لوگر خاتین قیزلر ایشلری بوییچه اداره باشلیغی، قیینچیلیکلر سبب یالغوز بیر متخصص شفاکار خانیم مرکز قوشیمچه آلتی ولسوال‌لیکده ایش قیله‌دی دیگن.
لوگر عیاللر اداره‌سی‌نینگ رییسی شیما زرگرنینگ سلام‌وطندارگه ایتیشیچه، ساغلیق‌نی سقلش ساحه‌سیده عیال‌لرنینگ معماسی باشقه ولایت‌لرگه قره‌گنده ایکّی برابر. او، مذکور ولایت‌نینگ نفوسی‌گه نسبتن بیر متخصص شفارکارنی فعالیت ایتیشی ییترلی ایمس لیگینی تیل‌گه آلگن.
لوگر خاتین قیزلر اداره‌سی مسؤولی، ولایت‌نینگ مرکزی قوشیمچه ولسوال‌لیکلریده عیال داکترلرنی بولمه‌گن‌لیگی باعث کوپچیلیک عیاللر کوز یاریش پیتی‌ده حیاتدن کوز یومه‌دیلر دیگن.
خانم زرگر، ولایت‌نینگ ازره‌کی، بره‌کی برک، خروار و چرخ ولسوال‌لیک‌لری‌نینگ عیال‌لری نا برقرالیک‌لر سبب ساغلیق‌نی سقلش خذمت‌لریدن بهره‌سیزلر دیگن.
او، اوشبو قیین‌چیلیکنی نیچه مرته مملکت ساغلیق‌نی سقلش وزیرلیگی مسؤوللری بیلن اورته‌گه قویگن‌لیکلرینی ایتگن، لیکن هنوزگچه هم بو موضوع گه رسمیلر آرقهلی اعتبار بیریلمه‌گن.
لوگر عیاللر اداره‌سی حساباتی‌گه کوره، حاضرگی کونده بیر متخصص عیال، تورت داکتر و 59 قابله مرکز شامل ولایت نینگ ولسوال‌لیکلریده طبی ساحه‌ده فعالیت ایته دیلر.
شونینگ‌دیک اوشبو قیینچیلیکلر ولایت ساغلیق‌نی سقلش اداره‌سی مسووللری تامانیدن تصدیق‌لنگن. اولرگه کوره، مذکور ولایت عیال متخصص داکتر کملیگی‌گه روپه ره. ساغلیق‌نی سلقش مسؤوللری، داکترلرنینگ آیلیگی آزبولگنی همده نا برقرارلیک‌لر باعث کوپینچه شفاکارلر مذکور ولایت‌گه کیلیب ایش قیلیش‌نی یاقتیرمیدیلر دیگن‌لر.
لوگر ساغلیق‌نی سقلش ریاستی باشلیغی محمد ظریف نایب‌خیل نینگ سوزلریگه قره‌گنده، حاضرگی کونده ایکی عیال متخصص داکتر ولایت بولیب فعالیت قیله‌دی، ولی اولردن بیرته‌سی عایله‌وی قیین‌چلیک سبب قیسقه مددت‌گه قدر رخصت آلگن.
جناب نایب‌خیل، لوگر خاتین قیزلر معماسینی حل ایتیش اوچون شفاخانه‌لر و کیلنیک‌لرده عیال قابله‌لردن ایش آلینه‌دی دیگن.
عین حالده، اوشبو ولایت‌نینگ قطار عیال‌لری ساغلیق‌نی سقلش ساحه‌سیده‌گی موجود مشکل‌لردن شکایت قیلیب ایتیشلریچه، لوگر ولایت مرکزی شفاخانه‌سیده عیال داکترلر بار، لیکن ولسوال‌لیکلرده عیاللر بو بولیم ده تورلی قیینچیلیکلر بیلن دوچارلر.
لوگرلیک مرسل و مرضیه خانم‌لرگه کوره، ولایتده ییترلی درجه‌ده عیال داکترلر بولمه‌گنی اوچون هنوز هم بو ولایتده آنه و باله‌لر اولیم میزانی کوتیلگن درجه‌ده کمیمه‌گن.
حسابات‌گه قره‌گنده لوگر ولایتی‌ده ایکی شفاخانه و قیرق کیلنیک فعالیت ایته‌دی، بیراق ولایت نینگ ازره، خروار و چرخ ولسوال‌لیکلری یشاووچیسی صحی خذمت‌لردن بهره‌سیز ایکن‌لیکلرینی تیل‌گه آلگنلر.
لوگر ولایت مسؤوللری همده اهالیسی بوندن نیچه وقت آلدین ولایت مرکزی پُل علم ده صادر ایتیلگن پارتلش‌ده اوشبو ولایت نینگ شفاخانه‌سی جدی زیان گورگن بیر چاغده مذکور ولایت ساغلیق‌نی سقلش ریاستی‌ده متخصص داکترلر همده زمانوی طبی امکانیت‌لر بولمه‌گن لیگی‌دن شکایت قیلماقده‌لر.
