فاریاب ولایتینینگ مرکزی میمنه شهریده جنرال عبدالرشید دوستم بیلن عطامحمد نورنینگ طرفدارلری اورتهسیده یوزبیرگن توقنهشووده بیر کیشی هلاک بولیب و باشقه 5 کیشی یرهلنگن.
اوشبو توقنهشوو میمنه شهری سنایی خیابانیده باشله نیب و کمیده 20 دقیقه دوام تارتگن.
جنبش و جمعیت حزبینینگ طرفدارلری اورتهسیده یوزبیرگن توقنهشوو محل پولیسی اوق آتگنیدن یکونلنگن.
میمنه شهریده کسلخانه مسؤوللرینینگ ایتیشیچه، احتمال باریچه اوشبو توقنهشوو قربانلیگی آشهدی.
نوروز کونیده مملکت یشاوچیلریدن کوپینچهسی، اوشبو کوننی نشانلش اوچون بلخ بارگن بیرچاغده، جنرال عبدالرشید دوستمنینگ صورتلری مزارشریف شهری کامگار چهار راهیسیدن قطار کیشیلر تامانیدن توشیریلگن و بو موضوع زمان اوتیشی بیلن کوپینچه قرشیلیکلرگه روپهره بولدی.
عین حالده، جمعیت حزبینینگ رسمیلری و عطامحمد نورنینگ یقین آدملری بو ایش ناتنیش کیشیلر تامانیدن یوزبیرگن دییدی، بیراق حاضرگهقدر مملکت ایریم شهرلریده ایکی حزب طرفدارلرینینگ ناراضیلیکلری دوام ایتماقده.
