ایرتهلب ساعت 9 ده
فیضآباد و تالقان شهری نینگ یشاوچیلری جنگری طالبلرگه قرشی شعار بیریب، اولکه امنیتی کوچلریدن حمایت کورسهتیش نیتیده تظاهرات اوتکزیدلر. ایتیلیشیچه، طالبلر وردوج نی آلیشلری بیلن بو تومن یشاوچیلریگه یمان کیلیشیب، دولتی مرکزلرنی تالان قیلگنلر.
پنجشنبه کیچهسی ساعت 9 ده
بدخشان وردوج تومنی نینگ باشلیغی دولتمحمد خاور، مذکور تومن طالبلر قولیگه توشگنلیگی دن خبر بیرهدی.
بوگون (جمعه) ایرتهلب جناب خاور سلاموطندار بیلن تیلفونی صحبت قیلیب ایتیشیچه، پنجشنبه کونی کیچ قورونده طالبلر اوشبو تومننی اوزکنتروللریگه آلگن.
خاورگه کوره، اویغورلیک، چیچینلیک، پاکستانلیک، تاجکستانلیک و اوزبیکستانلیک تشقی جنگریلر قوشیمچه بیرمینگدن آشه ایچکی جنگریلر وردوج تومنیده یوروش ایلتگنلر و بوتومننی دولت قولیدن آلگنلر.
وردوج تومنی باشلیغی نینگ بیلدیریشیچه، طالبلر بهارک تومنیگه هم هجوم ایلتگن و حاضرگه قدر امنیتی کوچلر بیلن طالبلر ارا مذکور تومنده توقنه شوولر دوام ایتماقده. بهارک بدخشاندهگی محلی پولیس باشلیغلری نینگ مرکزی سنلهدی.
تخار ولایت سوزلاوچیسی سنتالله تیمور هم طالبلرنینگ خواجهغار تومنیده قیتهدن یوروش ایلتگنلریدن خبر بیرهدی. جناب تیمورگه کوره، طالبلر خواجهغار تومنیگه هجوم ایلتیشگه یوکسک تیارگرلیک آلگن ایکنلر و دشت ارچیدن بو تومن چیگرهلریگه اوز جهازلرینی کیلتیرماقدهلر.
تیمورنینگ کوپهیتیریشیچه، طالبلر بو هجومده امنیتی کوچلر اینقیسه جهادی قومندانلر جدی قرشیلیگی بیلن روپهره بولگن ایکن. عین حالده، اوتگن کون محلی مسؤوللر 13 ساعت طالبلربیلن توقهشوو اوتکزیب مذکور تومننی قیته قولگه آلگنلیکلرینی بیلدیرگن ایدی.
خواجهغار اوروشی نینگ باشقرهدیگن قومندانلردن بیری نجیب فرخاری نینگ ایتیشیچه، امنیتی کوچلر طالبلرگه آغیر تلفات کیلتیرگن و جنگریلرنی قندوز ولایتی دشت ارچی تومنیگچه قولب بارگنلر.
اوشبو گروه، میزان آیی نینگ باشلهنیشی بیلن دسلبکی هجوملرینی قندوز ولایتیدن باشلهدی و قندوز شهری نینگ تصرف قیلیشلری بیلن بغلان و تخار ولایتی ایریم تومنلریده هجوم قیله باشلهدی، شو بیلن بیرگه امنیتی کوچلر جدی قرشیلیگیگه روپهره بولگن طالبلر قندوز و باشقه ولایتلردهگی قولگه آلگن ییرلرنی قویباریب قاچیشگه مجبور بولدی.
