نی یا افغانستان آزاد عاموی اخبارات واسطهلرینی حمایت قیلووچی اداره مسؤوللری نینگ ایتیشیچه، دولت «حق محرومیت» بهانهسی بیلن اهالی معلوماتگه قول تاپیش حقوقینی سلب قیلگن. بوگون دوشنبه مذکور ادارهنینگ رسمیلری معلوماتلرگه قول تاپیش خلق ارا کونینی نشانلش مناسبتی بیلن اوتکزیلگن ییغینده حکومتنی تنقید آستیگه آلیب، چمهسی بیر ییلدن بیری معلوماتلرگه قول تاپیش قانونی تصدیق لنگن لیگیگه قرهمی هنوز هم کوپینچه موردلرده عاموی اخبارات واسطهلریگه معلومات بیریشدن باش تارتهدی.
مذکور ییغینده سوزگه چیققن «نی» اجراییه رییسی عبدالمجیب خلوتگر مملکتده ینگی تیزیم وجودگه کیلگندن بیری معلوماتلرگه قول تاپیش اوچون بعضی رواجلهنیش لر کیلگن، اما بو یوتوقلر ایسه ییترلی ایمس و هنوز هم مملکت خلقی اینیقسه خبرچی لر تورلی قیین چیلیکلر بیلن روپه ره لر.
جناب خلوتگرگه کوره، حکومت یوقاری مرتبه لی رسمیلری قانونگه موافق بیلیب – بیلمسدن معلوماتلرگه قول تاپیش مملکت هر بیر یشاووچیسی نینگ حقی دیر. اونینگ کوپیتیریشیچه، حکومت محرمیت بهانهسی اساسیده کوپچیلیک موردلرده اهالی گه معلومات بیریشدن باش تارتهدی. شونینگدیک خلوتگر مملکتنینگ اکثریت اهالیسی اینیقسه دولت ملازملری حاضرگچه هم اوز حقلری بارهسیده معلوماتگه ایگه ایمسلر.
«نی» اجراییه رییسی نینگ سوزلریگه قرهگنده ملی بیرلیک حکومت وجودگه کیلگندن بیر ییل اوتماقده اهالی و خبرچیلر اوچون معلوماتلرنی اختیارگه قوییش هنوزگچه هم اینگ اساسی معمالردن سنهلهدی.
«نی» مسووللری، حکومت رسمیلری امنیتی مسالهلرگه قرهشلی حادثهلر بارهسیده معلوماتلرنی خبرچیلرگه بیرمیدی و بعضی وقتلرده هم خبرچیلرهم اوشبو سبب ایریم پیتلرده خود سانسورلیککه قول اوره دیلر.
شو کبی باشقه خبرچیلرگه کوره، معلوماتلرگه قول تاپیش قانونینی حکومت رسمیلری عملگه آشیرمهگن. انه شو سبب هم کوپینچه موردلرده دولت منبعلری معلومات بیریشدن باش تارتیب کیلگن.
