ملی بیرلیک حکومت اجراییه باشلیغی داکتر عبدالله عبداللهنینگ ایتیشیچه، تینچلیک افغانستان دولتی بیرینچی لایحهلریدن ایکن، بیراق منطقه مملکتلریدن بیرقطارینینگ یاردم سیزلیگی باعث، اوشبو لایحه اونچهلیک نتیجه بیرمهگن.
اجراییه باشلیغی، امیریکه قوشمه ایالتلری تشقی ایشلر وزیرلیگی علاقهلر کینگشی بیلن اوتکزگن ییغینیده ایتیشیچه، منطقه مملکتلریدن بیرقطاری یاردم بیرمهگن صورتده هم، افغانستان تینچ لیک سوزلشوولری آلغه باریشی خصوصیده سعی و حرکت قیلگن. جناب عبدالله، پاکستان سیاستیگه اشاره قیلیب ایتیشیچه، اوشبو مملکت اولیک کیشیدن ایش آلیب، تینچلیک سوزلشوولرینی قیین چیلیککه روپهره قیلگن.
جناب عبداللهنینگ ایتیشیچه، ملی بیرلیک حکومت دستلب ایشیگه باشلهگنیدن، افغانستانده تینچلیک تأمینلنیشی خصوصیده قوشنی مملکتلر یاردمی توغریسیده امید بیلدیرر ایدی، بیراق اولرنینگ یاردمسیزلیگی باعث، مملکت تینچلیگی قیینچیلیککه دوچ کیلگن.
افغانستان حکومتی بیلن طالبلر اورتهسیده اوتکزیلگن بیرینچی رسمی تینچلیک سوزلشوو جاری ییل روزه آیی پاکستاننی مری شهریده چین و امیریکه هیأتلری حضوریده اوتکزیلدی. بو سوزلشوونی سونگی اولتیریشی اوشبو ییل روزه بیرهم هییتیدن کیین اوتکزیلیشی ایتیلگن ایدی، بیراق ملاعمر اولیمی بیللی بولگنیدن سونگ، تینچلیک مذاکره آرتده قالدی.
