«نایب امینالله خان لوگری» آتیگه قوییلگن مذکور شفاخانه اون ییل آلدین لوگر ولایت مرکزینینگ «پورک» منطقهسیدهگی شفاخانه پاکستان مالی همکارلیگی بیلن ساغلیقنی سقلش وزیرلیگی تامانیدن تمل تاشی قویلگن. مذکور شفاخانهنینگ قوریلیش ایشی ایکی ییلده تکمیل ایتیلیشی ایتیلردی.
300 بسترلیک مذکور شفاخانه لوگر، پکتیا، پکتیکا، غزنی و خوست ولایتلری خلقیگه خذمت قیلیش اوچون قوریلردی.
لوگر ولایت خلقی وشفاخانه رسمیلری، اون ییلدن بیری مذکور شفاخانهنی قوریش اوچون ایش جریانی بار لیکن هنوز پایانیگه ییتمهگن لیگینی ایتگنلر.
پل علم یشاووچیلریدن بیری لطفاللهنینگ سلام وطندارگه ایتیشیچه، ولایت مرکزی قوشیمچه ولسواللیکردن مذکور شفاخانهگه کیله دیگن کسللر صحی خذمتلر بولمهگن لیگی باعث اوز شیرین جانلرینی قولدن بیرهدیلر.
او افغانستان مرکزی دولتی همده لوگر ولایت رسمیلریدن اوشبو شفاخانهنینگ ایشی نهایی بولیب تیزلیکده فایدهلهنیشگه تاپشیریلیشینی سورهگنلر.
پل علم پورک قیشلاغی نینگ یشاووچیلریدن بیری حاجی عبدالجبارنینگ سوزلریگه کور، پاکستان اوشبو شفاخانه توزهتیلیشینی ایستهمیدی، اونگه کوره، ییلده فقط مذکور شفاخانه قوریلیشی اوچون ایکی آی ایش قیلینهدی باشقه آیلر ایسه ایش توختهتیلیب قوییلهدی.
مذکور شخص بو شفاخانه قوریلیشی اوچون هیچ قندهی قیینچیلیک یوق دیگن، پاکستان بو کسلخانه ایشنی بوتونلی تمام قیلیشی ضرور.
نایب امیناللهخان لوگری شفاخانهسینینگ رییسی عاشقالله مجیدی، 80 بسترلیک اوشبو کسلخانه معیاری بولمهگن بیر جایده فعالیت قیلهدی، اما مذکور شفاخانه بوندن نیچه وقت آلدین موترگه تولدیریلگن پارتلاووچی ماده پارتلتیشی بیلن بوتونلی اورتهدن کیتگن و حاضر ایسه آچیق هواده کسللرنی دوالیدیلر.
اونگه کوره، کونده خروار، خوشی، برهکی برهک، چرخ و مرکزدن 700گه یقین کسل مذکور شفاخانهگه مراجعه قیلهدیلر، لیکن شفاکارلر فقط 300 کسلنی طبی کوریکدن اوتکزهدی.
لوگر ولایت کینگشینینگ رییسی حسیبالله استانکزیگه کوره، نیچه مرته موضوع توغریسیده پاکستان ایلچیلیگی همده
افغانستان حکومتینینگ بلند مرتبهلی رسمیلری بیلن گپیرگنلر، بیراق هنوزگچه هم ایجابی جواب تاپمهگنلر.
شونینگدیک جناب استانکزی، افغانستان ساغلیقنی سقلش وزیرلیگی هم مساله اوچون جدی اعتبار قرتمهگن. او، ساغلیقنی سقلش وزیرلیگیدن جنوب شرقدهگی 300بسترلیک شفاخانهگه جدی اعتبار قرهتیشنی سورهگن.
لوگر محلی یوقاری مرتبهلی رسمیلری پاکستاننی عیبلب، سیاسی علاقهلر اوچون مذکور شفاخانه ایشینی تکمیل قیلمهگن دیگنلر.
لوگر شفاخانهسی نینگ رییسی محمدظریف نایبخیلنینگ سوزلریگه کوره، مذکور شفاخانه قوریلیشی اوچون پاکستان دولتی 36 میلیون دالر اختصاصلشتیریگن، اوشبو مبلغنینگ 26 میلیونیگه شفاخانهنینگ بناسی و قالگن 8 میلیونیگه ایسه تخنیکی اسکونه آلیب بیریلیشی کوتیلردی.
نایب خیلگه کوره، اوشبو شفاخانهنینگ اون فایزی پاکستان وافغانستان علاقهسی سُستلشگنلیگی باعث قالگن.
باشقه تاماندن لوگر ولایت والیسی محمد حلیم فداییگه کوره، 300بسترلیک شفاخانه مسالهسینی ملی بیرلیک حکومت رهبرلری بیلن اورتهگه قویگن، مرکزی دولت تیزلیکده اوشبو شفاخانه ایشی تکمیل ایتیلیشی اوچون پاکستاننی جریانگه قویهدی.
لوگر ولایتی حاضرگی کونده 40 کیلینک و 80 بسترلیک بیر شفاخانه گه ایگه، ایتیلیشیچه، مذکور شفاخانه هم بوندن اوچ هفته آلدین یوز بیرگن پارتلش عاقبتیده بوتونلی ویران بولگن.
