بلخ ولایتی معارف ادارهسینینگ مسؤوللری، نابرقرارلیکلر میزانی آشگنی سبب چاربولک، البرز، شورتپه، چمتال، دولت آباد و بلخنینگ باشقه بیر قطار ولسواللیکلریده سواد اورگهتیش مرکزلرینی اوقوچیلر یوزیگه یاپیشگه مجبور بولگن لیکلرینی ایتگنلر.
بلخ معارف ادارهسینینگ رییسی مولوی عبدالعزیز عزیزنینگ ایتیشیچه، مذکور ولایت اهالیسینینگ سواد اورگهنیشگه بولگن قیزیقشلریگه قرهمی، اما نابرقرارلیکلر و اقتصادی قیینچیلیکلر باعث درس اوقیه آلمیدیلر.
معارف ادارهسینینگ رییسی سوزلریگه کوره، حاضرگی کونده ایرکک و عیالدن 33802مینگ کیشی مذکور اورگهنیش مرکزلرده باشلنغیچ درسلرنی اوقیش بیلن بندلر. اوتگن ییل 16140کیشی مرکز قوشیمچه قیشلاقلردن سواد اورگهنیش مرکزلرینی بیتیرگنلیکلری ایتیلهدی. بولرنینک کوپچیلیگی اساسی شکلده یازیش و اوقیشنی اورگنگنلر.
جناب عزیزگه کوره، نا رسمی حساباتده قیشلاقلرنینگ 80% اهالیسی و بلخ مرکزی شهرینینگ 20% اهالیسی سواد سیزلر. اونگه کوره، عیاللرگه مخصوص 493 مرکز شامل 578 سواد اورگهتیش مرکزی ولایت بویلب فعالیت قیلهدی، لیکن ولایتنینگ نفوسیگه قرهگنده اوشبو مرکزلر ییترلی ایمس دیر.
اما بلخ پولیس قوماندانلیگینینگ خوفسیزلیک آمری عبدالرازقنینگ ایتیشیچه، ولایتنینگ پولیس مسؤوللری اوشبو مرکزلر امنیتی تامین ایتیلیشی اوچون هیچ قندهی سعی و حرکتنی ایهمهگن.
بلخ مملکت شمالی ولایتلرینینگ اینگ نفوسلی ولایتلریدن سنهلهدی. ایتیلیشیچه، مذکور ولایت شمالده اینگ کوپ سواد اورگهتیش مرکزلرنی اوزیگه اختصاصلشتیرگن ولایتلردن.
