غور محلی رسمیلری نینگ بیلدیریشیچه، ولایت شهری محکمه باشلیغی عطاالله فاروقی باشقه بیر ایشداش اورتاغی بیلن اداری فسادگه قارهلنیب توتیلگن.
غور ولایت سوزلاوچیسی عبدالحی خطیبی اوشبو خبرنی تأیید قیلیب، شهری محکمه باشلیغی باشقه بیر ایشداشی بیلن عدلی و قضایی نهادلر تامانیدن توتیلگنلیگینی بیلدیرهدی و بوبارهده انیق معلومات قولده یوقلیگینی اورغولیدی.
عین حالده غور ولایت محکمه باشلیغی محمدحکیم کنرینینگ سلاموطندار بیلن اوتکزگن صحبتده اتیشیچه، بو ایکی کیشی نینگ توتیلیشی بارهسیده اونینگ قیسی نقشی بولمهگن و بوشخصلر کابلدن کیلگن هیآت واسطهسی بیلن توتیلگن.
غور ولایت محکمه باشلیغی نینگ ایتیشیچه، جناب فاروقی توتیلیشی بارهسیده انیق معلوماتلری یوق.
عطاالله فاروقی نیچه پیت آلدین بیر قیز و بیر ییگیتنی اخلاققه قرشی عملگه قارهلب هربیرینی یوز-یوز شلاق اوروشگه محکوم قیلگن ایدی.
غورلیک مذکور یاش ییگیتلرنی جزالنیش صحنهسی اجتماغی ترماقلردن ترقهتیلیب چیقگن صورتلریی، اولکه یشاوچیلری نینگ قرشیلیکلری بیلن روپهره بولگن ایدی.
