افغانستان یوکسک اوقوو وزیرلیگی هراتده اولکه بیلیم یورتلری اوقوو نظامی الکترونیک بولیش لایحهسی اوچون ایکی کونلیک اولتیریش آلیب اوتکزدی.
اوشبو اولتیریشده، یوکسک اوقوو وزیرلیگی رسمیلریدن 70 کیشی، ایچکی و تشقی بیلیم یورتلر مسؤوللری و اورگهتیش بولیمیدهگی ایش بیلرمانلر قتنشگن ایدیلر. یوکسک اوقوو وزیرلیگی نینگ رسمیلری نینگ ایتیشلریچه، بو اولتیریشده اوقوو نظامی الکترونیک بولیشی اوچون ینگی لایحهلرنی کوزگه توتیب عملگه آشیریش نیتیده بولگنلر.
یوکسک اوقوو وزیرلیگی نینگ اورین باسری محمدعثمان بابری نینگ اوشبو برنامه معرفی ایتیلیشی اوچون هرات باریب ایتیشیچه، بو لایحه نینگ تطبیق بیریشدن هدف، افغانستان بیلیم یورتلری نینگ اوقووی کیفیت جهتدن اوستیریش بولگن.
جناب بابری نینگ ایتیشیچه، حاضرهم ایریم بیلیم یورتلرده ایسکی تیزیملر، اورگهتیش کیفیتی ضعیفلیگی و ینگی معلوماتلردن آگاهسیزلیکلر، اولکه عالی درگاهلریده قیینچیلیک یرهتیب کیلماقده. اونگه کوره، یوکسک اوقوو وزیرلیگی الکترونیک اورگه توو تیزیمی یوزهگه کیلیشی بیلن موجود قیینچیلیکلرنی کوتریشگه کورهشهدی.
یوکسک اوقوو وزیرلیک اورین باسری: «بوگون بیز هرات بیلیم یورتی قوشیمچه ییریک بیلیم یورتلریمیزده اورگهتیش برنامهلریمیزنی عملگه آشیریب، الکترونیک اوقووی نینگ پیاده قیلیش نیتیده میز و شونینگدیک، مذکور برنامهدن حمایت و نظارت قیلووچی کمیته ایجاد قیلماقدهمیز. بو اولتیریش یلغوز تصمیم آلیش اوچون ایمس؛ بو لایحهنی زیربنا، ظرفیت و سیاسی حمایتگه احتیاجی بار. بیز بو اوچ نرسهنی ایستهیمیز». دیدی بابری
شونینگدیک جمهور رییس نینگ زیربنالر، بشری کوچلر و تکنالوژی بولیمیدهگی ییریک مصلحتچیسی محمدهمایون قیومی، بو برنامهده اوقووچیلر علمی درجهسینی یوقاری ایلتیش یانیده، افغانستاننی دنیا بیلیم یورتلری بیلن قوشهدی دیدی.
جناب قیومی نینگ ایتیشیچه، جهانی بانک اوشبو بیش ییللیک برنامه هزینهسینی 50 میلیون دالر براورد قیلگن و مذکور لایحه یخشی شکلیده عملگه آشیریلگن صورتده، 100 میلیونگه قدر یاردم بیریش وعدهسینی بیرگن.
هرات بیلیم یورتی نینگ سرپرستی محمدحسن فریدنینگ ایتیشیچه، بو الکترونیک سیستمی بیلیم یورتلرده عملگه آشیشی بیلن اوقووچیلرنینگ باشقه کتابخانهلر و درسی منبعلر قیدیریشلریگه نیاز قالمیدی.
هرات والیسی محمدآصف رحیمی هم مذکور سیستم نینگ عملگه آشیشی، بیلیم یورتلردهگی اوقوو بارهسیده توسیق چیقارهدیگن قیینچیلیکلرنی برطرف قیلهدی دیب بیلهدی. اونگه کوره، بو تیزیم عملگه آشیشی بیلن افغانستان بیلیم یورتلری اوزگریش ینگی مرحلهسیگه کیرهدی.
حاضرگه قدر افغانستان بیلیم یورتلری ایسکی اورگهتیش سیستملریدن ایش آلردی و بیلیم یورتلر ینگی سیستملردن آز ایش آلینگن ایدی.
