افغانستان سرمایه یاتقیزووچی‌لرینی حمایت قیلووچی اداره رییسی قربان حقجو، کیچیک سرمایه یاتقیزیشلر حکومت تامانیدن حمایت ایتیلمه‌گن حالده، افغانستان هیچ بیر زمان رواجلنگن اقتصادی ثبات‌گه ایریشمس دیگن.
بوگون (چهارشنبه) کابل‌ده بیرینچی مرته کیچیک و اورته سرمایه یاتقیزووچیلرنی علمی ییغین‌ده سوزله‌گن جناب حقجو، افغانستان سابقه‌لردن هنوزگچه هم کیچیک سرمایه یاتقیزیش‌گه اعتبار بیرمه‌گن لیگینی بیلدیرگن.
آیسا اداره‌سی‌نینگ رییسی‌گه کوره، کیچیک سرمایه یاتقیزیشلر حاضرگی کونده مملکت صادراتی نینگ 90% تشکیل ایته‌دی.
اونینگ سوزلریگه کوره، کیچیک سرمایه یاتقیزیش و اقتصادنی رواجلنتیریش اوچون سرمایه یاتقیزووچیلرگه تکنالوژی معلومات‌لر زمینه‌سی، مارکیت و اولرنی سالیق‌دن معافیت ایتیلیشیری توغری‌سیده دولت همکارلیک قیلیشی کیره‌ک.
شونینگ‌دیک جناب حقجو، کیلگوسی تورت آیگچه سرمایه یاتقیزیش رواجله‌نیشی اوچون بیرینچی لایحه ایشلب چقیاریلیشی‌نی ایتگن مذکور لایحه‌نینگ اصلی ستونی کیچک و اورته سرمایه یاتقیزیش طرحی‌دن عبارت.
بیلیم یورت استادی مذکور ییغین‌ده اشترک قیلگن لردن بیری حمیدالله فاروقی نینگ بیلدیریشیچه، کیچیک سرمایه یاتقیزیش اقتصادی شاخص‌لرنی تامین‌لش اوچون ایجابی دیر.
جناب فاروقی‌گه کوره، مملکت 30% صادراتی‌نی کیچیک و اورته سرمایه یاتقیزیشلر تشکیل قیله‌دی در واقع بو ایسه مملکت اقتصادی رواجله‌نیشی‌نینگ موتری دیر.
فاروقی، کیچیک و اورته سرمایه یاتقیزیش بولیمی‌ده آلیب باریلگن سعی و حرکت‌لر ییترلی ایمس، حکومت و خلق ارا همکارلیک قیله‌دیگن اداره‌لر اوشبو بولیم‌گه جدی اعتبار قره‌تیش لری توغری‌سیده تاکیدله‌گن.
اونینگ سوزلریگه کوره، افغانستان حاضرگی شرایطی و بو باسقیچ‌دن اوتیش «حساس اقتصادی» حمایت قیله‌دیگن اداره‌لرنینگ کوپراق اعتبار قره‌تیشی‌گه احتیاجی بار.
شونینگ‌دیک ییغین‌ده اشتراک قیلگن قطار اقتصادی ایش‌بیلرمانلر بانکچی‌لیک قانون‌لری قیته کوریب چیقیلیشی و طبیعی منبع‌لردن فایده‌له‌نیش گه تاکیدله‌گن‌لر.
