ریکانینگ آلتینچی ییغینی (پنج‌شنبه) کونی منطقه دولت‌لری تامانی‌دن بیریلگن وعده‌لر طرحی عملی ایتیلیشی بیلن اوز پایانی‌گه ییتدی. ریکاییغینی‌نینگ مهم موضوع‌لری جنوبی آسیا بازارلرینی مرکزی آسیاگه باغلیش و انرژینی ییتکزیش اوچون منطقه‌یی دولت‌لرنینگ همکارلیک قیلیشی‌دن عبارت ایدی. مذکور ییغین اوچون میزبان‌لیک قیلگن افغانستان تشقی ایشلر وزیرلیگی ییغین‌ده کوپراق منطقه مملکت‌لری بیر- بیراوی بیلن باغله‌نیش باره‌سیده‌گی موضوع اوستیده بحث ایتلیشی اوچون کوپراق سعی وحرکت قیلگن. انه شو سبب، افغانستان، ایران و تاجیکستان ارا اوچ تامانلمه ییغین‌ده تیمیر یول شونینگ‌دیک قرغیزستان، تاجیکستان، ترکمنستان، ایران و افغانستان اولتیریشی‌ده هم تامان‌لر تیمیر یول مساله‌سی اوستیده بحث آلیب بارگن‌لر.
شونینگ‌دیک ییغین‌ده بحث قیلینگن مساله‌لردن بیری هم لاجورد یولی دیر. لاجورد یولی لایحه‌سی عملی بولگن حالده، افغانستان ترکمنستان آرقه‌لی خزر دینگیزی و اوییردن روسیه آرقه‌لی اروپاگه قوشیله‌دی. چین ،لاجورد لایحه‌سی عملی بولیشی بیلن همده افغانستان منطقه‌یی تیمیر یولگه قویشلیشی بیلن ییریک منفعت‌گه ایگه. چین مرکزی آسیا و افغانستان‌ده کانل‌لر قازیب چیقاریلیشی اوچون سرمایه یاتقیزگن. تیمیر یول آرقه‌لی افغانستان مرکزی آسیا بیلن باغله‌نیشی اقتصادی نقطه نظردن رسمی پکن اوچون کته اهمیت‌گه ایگه دیر.
چین هیأتی مذکور برنامه عملی بولیشی اوچون فعال حصه قوشگن. افغانستان دیپلوماسی اداره‌سی افغانستان منطقه‌گه قوشیلیش اوچون چین لایحسی‌دن یخشی فایده‌له‌نیشگه امید بیلدیریلگن. ناتوگه اعضا مملکت‌لرنینگ ییریک دولت‌لری افغانستان مرکزی آسیاگه باغله‌نیشی اوچون قیسقه مددتلی منفعت‌گه ایگه. انه شو باعث مذکور دولت‌لر اوتگن اون تورت ییل دوامی‌ده بو توغریده هیچ بیر ایش قیلمه‌گنلر. جمهور رییس حامدکرزی‌نینگ تلویزیونلردن بیریده قیلگن صحبتی‌ده ایتیشیچه، دنیانینگ ییریک قدرت‌لری افغانستان‌ده عمومی یول‌لر قوریلیش‌ده قیزیقیش‌لری کوپ بولگن انه شو سبب عمومی یول‌لر قوریلیش‌ده مادی همکارلیک قیلگن‌لر. اما، ناتوگه اعضا مملکت‌لرنینگ هیچ بیرینی برنامه‌سیده افغانسنتان تیمیر یولگه قویلیشی اوچون لایحه‌سی بولمه‌گن.
حاضر چین افغانستان و منطقه ده مهم و انیق منفعت‌گه صاحب. مملکت دیپلوماسی اداره‌لری افغانستان منقطقه‌گه قوشیلیشی اوچون عملده چین همکارلیک‌لریدن فایده‌له‌نیشی ضرور. ایتیلیشیچه، تیمیر یول قوریش‌ده چین ییریک تجربه گه ایگه و بو یولده افغانستان‌گه اساسی همکارلیک قیلیشی لازم.
ریکا آلتینچی ییغینی‌ده وعده بیریلگن برنامه‌لر عملده تطبق ایتیلیشی اوچون مملکت دیپلوماسی اداره‌لری‌نینگ چین همکارلیگینی جلب قیلیش‌گه توغریدن – توغری باغلیق دیر. چابهار بندری‌نینگ برنامه‌سی عملی ایتیلیشی افغانستان حیاتی اوچون مهم مساله سنه‌له‌دی. مذکور لایحه اساسی‌ده هند افغانستان آرقه‌لی مرکزی آسیاگه اولنه‌دی. بو برنامه عملی بولگن حالده، هند کیمه‌لری چابهار بندریده کوپه‌یب سونگ هندنینگ تورلرگه توله کامیون‌لری افغانستان آرقه‌لی مرکزی آسیاگه اوتیشی حتمی.
چابهار طرحی عملده تطبق ایتلیشی بیلن افغانستان کراچی بندری یانیده دنیا سوولریگه قوشیلیش اوچون باشقه یولنی تاپگن بوله‌دی. چابهار برنامه‌س‌ینینگ عملی بولیشی ینگی دهلی بیلن کابل نینگ علاقه‌سی‌گه توغریدن – توغریده تیگیشلی. ملی بیرلیک حکومتی وجودگه کیلیش بیلن تعامل سیاست‌نی پاکستان بیلن ایلگری سوردی. بو سیاست ایسه اوز چهارچوبه‌سیده هندنی ناراضی قیلدی. پاکستان بیلن آلیب باریلگن سیاست ینگی دهلی بیلن رسمی کابل اورته‌سیده فاصله کیلتیرمس‌لیگی کیره‌ک ایدی. کوپینچه منطقه ممکت‌لری ریکانینگ آلتینچی ییغینی‌ده اشتراک قیلیش اوچون تشقی ایشلر وزیرلرینی کابل‌گه یوبارگن ایدی اما، ینگی دهلی ایسه تشقی ایشلر وزیرلیگی اورین باسرینی جونتگن. بو مساله ایسه ینگی دهلی بیلن رسمی کابل اورته‌سیده فاصله پیدا بولگن لیگینی بیلدیره‌دی و بو فاصله تیزلیک‌ده برطرف ایتلیشی درکار. هند چابهار طرحی تطبیق ایتلیشی بیلن ییریک منفعت‌گه ایگه مملکت دیپلوماسی اداره‌لری هندنی موضوع اوچون ترغیب قیلیش‌ده جدی سعی و حرکت آلیب باریشلری ضرور.
