منطقهیی اقتصادی همکارلیکلر «ریکا»نینگ آلتینچی ییغینی افغانستان قوشنی منطقه مملکتلری بیلن اقتصادی علاقهلرینی کینگیتیریش اوچون جدی احتیاجی بولگن بیر پیتده اوتکزیلماقده.
ریکا آلتینچی خلق ارا ییغینینگ اصلی موضوعی افغانستان اقتصادی همکارلیکلرینی کینگشتیریش بولگنی ایتیلهدی. افغانستان حکومتی مذکور ییغین اوچون منقطه و قوشنی مملکتلر تشقی ایشلر وزیرلری، اقتصادی تشکیلاتلر نمایندهلری و دیپلوماتلر اوچون میزبانلیک قیلیشی کوتیلهدی.
افغانستان تشقی ایشلر وزیرلیگینینگ سوزلاووچیسی شکیب مستغنی، مملکت تشقی ایشلر وزیری ایریم مملکتلرنینگ ایلچیلری بیلن بولگن ملاقاتیده اوشبو ییغینده محاکمه ایتیلهگن موردلر عملی بولیشی اوچون هر تامانلمه همکارلیک قیلیشدن سوز بیرگنلیکلرینی معلوم قیلگن.
مذکور خلق ارا ییغینده هند، تورکیه، ترکمنستان، قزاقستان، قرغزستان و آذر بایجان تشقی ایشلر وزیرلری قوشیمچه غرب دولتلرینینگ دیپلوماتلری و منطقه دولتلرینینگ اقتصادی تشکیلات نمایندهلر قتنهشیشی کوتیلهدی.
بو ییغین افغانستان حکومتیگه دنیا جماعه چیلیگینینگ کورستهدیگن یاردملری کوزگه کورینرلی درجهده کیمگن بیر چاغده اوتکزیلماقده. بو ییغین افغانستان اقتصادی مسالهسی اوستریلیشی زاویهسیدن تکشیریلگن حالده، حاضرگی کونده مملکت شرایطی اینیقسه اقتصادی وضعیتی جدی شکلده ایجابی تاثیری قالدیریشی ممکن.
«ریکا 6» آلتینچی ییغینیده ایریم موضوعلردن تشقری افغانستان، پاکستان و تاجیکستان اورتهسیدهگی بازرگانی و ترانزیتی اوچ تامانلمه لایحه، منطقه بویلب قندهار ولایتیده ترانزیتی هوا میدانی قوریلیشی، افغانستانلیک ملی تاجرلرنینگ گوادر باجخانهسیگه یول تاپیش و قوشنی مملکتلرده مرکزی بندر ایجاد ایتیلیش لایحهسی اوستیده بحث ایتیلهدیگن افغانستان حکومتینینگ تکلیف قیلگن مهم مسالهلریدن سنهلهدی.
ریکا آلتی ییغینینینگ استثنایی نکتهلریدن بیری منطقهیی سیاستلردن اوزگریشیگه سبب بولیشی دیر. کابلده اوتکزیلهدیگن مذکور خلق ارا ییغین افغانستان قوشنی دولتلری خلق ارا باسیملر آستیگه آلینگن بیر پیتده عملی ایتیلماقده.
افغانستاننینگ جنوبی قوشنیسی پاکستان منطقهده ترورچیلرنی حمایت قیلگنلیکده عیبلنماقده. انه شو سبب یقینده امیریکه قوشمه ایالتلری پاکستانگه کورستهدیگن 300 میلیون دالرلیک یاردمینی وقتینچهلیک توختهتیب قویدی. شونینگدیک امیریکه پاکستاننی بوندن بویان افغانستانگه ترروچیلرنی یوبارمسلیک بارهسیده آگاهلنتیرگن.
اونگه قوشیمچه، شو حاضرهم افغانستان غربیده جایلشگن ایران اولکهسی غربنینگ اقتصادی تحریملری بیلن روپهره و اتمی مسالهلر کیلیشمه قضیهسی نینگ اوز نفعلریگه آلیشماق اوچون کورهشیب کیلماقدهلر.
پاکستان، هند و چین اولکهلری ارا افغانستان طبیعی و کان منبعلری اوستیده جدی رقابتلری بار و موضوع افغانستاننینگ فایده یا نقصیگه تمام بولیشی ممکن. افغانستان حکومتی قوشنی و منطقه اولکهلرینینگ افغانستانده سرمایه یاتقیزیشلری اوچون ایجابی اقتصادی رقابت بولیش آقیمی منطقه اقتصادی رقابتلریگه اوزگرگن صورتده، افغانستان نفعگه بولیشی ممکن.
البته افغانستان حکومتی ریکا اولتیریشیده، آچیق یول و تأثیرلی اقتصادی لایحهلر بیلن مذکور اولکهلر توجهسینی قرهتگن بیرحالده بولهدی.
افغانستان و منطقه اولکهلری ارا اقتصادی کیلیشماووچیلیکلر، سیاسی و همگراییلیک قیینچیلیکلری بیلن بیرگه بولیشی کوزه تیلهدی. تروریزیم، مالی و اداری فساد، مخدر مادهلری تولید و قاچاق بولیشی، افغانستان اوچون ایریک توسیق و قیینچیلیکلردن سنلهدی. اما افغانستان منطقه اولکهلری بیلن اقتصادی رابطهسی مستحکملشی اوچون، منطقه اولکهلری نینگ هم افغانستان امنیتی مسالهسی اوچون صادقانه رابطه باغلهشدن باشقه یوللری یوقلیگی حس ایتیلهدی.
افغانستان تشقی ایشلر وزیرلیگی رسمیلرینینگ بیلدیریشیچه، امنیتی، اقتصادی و فرهنگی منفعتلر سبب بولهدی تا منطقه اولکهلری مذکور اولکه قیته قوریش ایشلری اوچون افغانستان پیشنهادلریگه ایجابی جواب بیریشهدیلر؛ منطقه قدرتلرینینگ اوشبو حوزه ایچکی ایشلریگه ارهلشیشلری آلدینی آلیش هدفیده مذکور یاردملیکلر بولیشهدی.
هرحالده، افغانستان قیته قوریش ایشلری و اقتصادی یوکسه لیشی بارهسیده بولهدیگن هرقندهی بیر یاردملیک، خاص اهمیتگه ایگه بولهدی. اما اوندن هم مهمی افغانستان سیاسچتیلرینینگ ییتیب کیلگن فرصتلردن یخشی ایش آلیب، اقتصاد یوکسهلیشی و منطقه اولکهلری بیلن سیاسی مناسبتلرینی یخشیلشی اوچون ایش آلیشلری کیرهک.
