قیشلاقلرنی رواجلنتیریش وزیرلیگی، جاری ییل بیرینچی 8 آیده کینگیتیریش بود‌جه‌نینگ 54%نی صرفلشگه موفق بولگنیدن خبر بیره‌دی.
قیشلاقلرنی رواجلنتیریش وزیری نصراحمد درانی، سه‌شنبه کون کابل‌ده بیر خبری ییغینده، مذکور وزیرلیک بودجه‌سی 591 میلیون دالردن، 319 میلیون دالری صرف لنگنینی ایتکن.
جناب درانی‌نینگ کوپه‌یتیریشیچه، اولر یوزکونلیک لایحه‌لرینی بوتونله‌ی عمل‌گه آشیریش‌گه موفق بولگن‌لر. اونگه کوره، لایحه‌لریدن آرتیق نرسه‌لرنی هم شونچه پیت‌ده عمل‌گه آشیرگن.
298 محلی کینگش اوتکزیلیشی، 426 کینگیتیریش کینگش و 418 کینگیتیریش دستور، 256 کته بیرلیک‌نی کینگیتیریلیشی و 90 کیچیک اویوشمه، 390 تولیدی گروه‌نی مالی یاردم بیریش، و 2020 محلی کینگش مذکور وزیرلیک‌نی یوزکونلیک ایشلری جمله‌سیدن سنله‌دی.
جناب درانی‌گه کوره، اوشبو دستورلر مملکت برچه ولایت‌لرده عمل‌گه آشیریلگن.
قیشلاقلرنی رواجلنتیریش وزیری، یوزکونلیک برنامه‌لریده عمل‌گه آشیریلمه‌ی قالگن ایش کینگیتیریش کینگشی اوتکزیلمه‌گنی دییدی. جناب درانی، مذکور کینگش یولگه قوییلمه‌گن دلیلی حکومت رهبرلری اشتراک ایتیشی‌گه زمینه بولمه‌گنی دیگن.
1957 آست قوریش لایحه‌لرنی قوریش و مالی و انسانی منبع‌لر خصوصیده بولگن 3 تدارکاتی اداره‌نی اورته‌دن آلیب کیتیش مذکور وزیرلیک ایشیدن دییله‌دی.
شونینگ‌دیک قیشلاقلرنی رواجلنتیریش وزیری‌نینگ کوپه‌یتیریشیچه، مذکور وزیرلیک‌نی رواجنلتیریش بودجه‌سیدن 54% 8406 کته و کیچیک لایحه‌لرگه صرف لنگن. اونگه کوره، بو جمله‌دن 1960 لایحه سوو ییتکیزیش بولیمی، 356 لایحه سوولنتیریش بولیمی، 354 لایحه کیلیم و کیتیش بولیمی، 2635 لایحه اورگه‌تیش بولیمی، 23 لایحه ساغلیک بولیمی و باشقه 1912 لایحه محل کینگیتیریش بولیمی‌گه دییلگن.
قیشلاقلرنی رواجلنتیریش وزیرلیگی گزارشی، بوندن آلدین کوپینچه وزیرلیک‌لر کینگیتیریش بودجه‌لرینی صرفله آلمه‌یدی دیگن بیرچاغیده نشر ایتیلگن.
