کابل اون تورتینچی سنبلهده سام (Senior Official Meeting) ایکینچی ییغینی گه میزبانلیک قیلیشی کوتیلهدی. مذکور ییغین افغانستان دولتی کوکمکلر خصوصیده تعین ایتیلگن چهارچوبه اوچون حساب بیریشی و لندن کنفرانسیده بو مملکت بیرگن وعدهلری تیکشیرووگه آلینیشی اوچون اوتکزیلهدی.
بیر کون اوتکزیلیشی ریجه لنتیریلگن مذکور ییغینده حکومتگه یاردم بیرووچی قطار مملکتلر باشلیغلریدن تشقری، ایلچیلر، خلق ارا تشکیلاتلر نمایندهلر، ملی بیرلیک حکومت باشلیغلری، حکومت کابینه وزیرلری، مدنی جماعهچیلیک اعضالری و عاموی اخبارات واسطهلر فعاللری اشتراک قیلیشی کوتیلهدی.
ییغین بارهسیده سلام وطندارگه گپیریگن اجملحمید عبدالرحیمزینینگ سوزلریگه کوره، اوشبو ییغین افغانستان مالیه وزیری اکلیل حکیمی و بیرلشگن ملتلر تشکیلاتینینگ افغانستان اوچون مخصوص نمایندهسی آرقهلی باشقریلهدی.
جناب عبدالرحیمزی، مذکور ییغینده افغانستان حکومتینینگ رهبرلری توکیو و لندن کنفرانسیده وعده بیریلگن یاردملر مصرفی بارهسیده بولگن سواللرگه هم جواب بیریشلری کوتیلهدی. شونینگدیک دنیا جماعهچیلیگی ایکی کنفرانس اینیقسه لندن کنفرانسیده مقابل تامانگه بیرگن وعدهسی خصوصیده جواب بیرهدی.
بو ییغین توغریسیده گپیرگن مدنی فعال عبدالله احمدیگه کوره، بو ایکینچی مرته کابلده حساب بیریش چهارچوب نامی آستیده ییغین اوتکزیلهدی. سام ییغینیده نیچه مهم موضوع جملهدن اقتصادی همکارلیکلر، انسان حق حقوقلری، عیاللرحقی، دموکراسی و سیلاولر، دایمی رواجلهنیش وتینچ لیک و عدالت اوستیده بحث ایتیلهدی.
شونینگدیک جناب احمدی، افغانستان لندن کنفرانسیده بیرگن 52 تعهدی بارهسیده جواب بیریشی کیرهک دیگن. عین حالده، دنیا جماعهچیلیگی هم لندن کنفرانسیده افغانستانگه کورسه تیله دیگن یاردملر وباشقه مسالهلر اوچون حکومتگه جواب بیریشی حتمی.
سام کنفرانسی افغانستان دولتینینگ اوتگن ییل لندن کنفرانسیده دنیا جماعهچیلیگیگه بیرگن وعدهلریدن حسابلنهدی. ایتیلیشیچه، مذکور کنفرانسدن سونگ دنیا جماعهچیلیگی افغانستانگه وعده بیریلگن کوکمکلرنینگ ینگی باسقیچی بارهسیده قرار قبول قیلیشی کوتیلهدی.