ایچکی ایشلر وزیرلیگی چیگره پولیس عمومی قومندانی رحمت‌الله رؤوفی‌نینگ ایتیشیچه، قولیده‌گی حجت، پاکستان حربی‌لری، پکتیکا برمل تومنی ناتینچ منطقه‌لری تامانیدن ایلگری کیلگنینی کورسته‌دی.
جناب رؤوفی، ایران چیگره رسمی‌لری بیلن مذکور مملکت‌نی تایباد شهریده بیر ییغین اوتکزگنی‌دن کیین، یکشنبه کون هرات کیلیب بیر خبری ییغینده، اویغورلیک و افغانستان بیلن ایران چیگره‌لریده‌گی خطالرنی حل ایتیش، شونینگ‌دیک افغانستان توپراغیده پاکستان‌نی ایلگری کیلیشی اوستی‌گه صحبت قیلگن.
جناب رؤوفی، افغانستان برابریده پاکستان‌نی چیگره‌یی خطالری‌نی سناق‌سیز بیلیب ایتیشیچه، بو مملکت دواملی صورتده، افغانستان توپراغی ایچیده ایلگری کیلگن و بو ایلگری کیلیش‌لر کوپینچه‌سی مجاهدلر حکومتی و طالب‌لر زمانیده یوزبیرگن.
اونینگ کوپه‌یتیریشیچه، مدافعه وزیرلیگی‌ده‌گی حجت، پاکستان‌نی افغانستان توپراغیده 15 کیلومتر کیریب کیلگنینی کورسته‌دی.
جناب رؤوفی‌نینگ ایتیشیچه، پاکستان، پکتیکا برمل تومنی انگورله منطقه‌سیده افغانستان‌نی کوچسیزلیگی‌دن ایش‌آلیب و طالب‌لر حاکم بولگن ناتینچ منطقه‌لردن ایلگری کیلگن.
باشقه تاماندن، ایچکی ایشلر وزیرلیگی چیگره پولیس عمومی قومندانی‌نینگ ایتیشیچه، ایران رسمی‌لری بیلن ایکی تامانلمه چیگره خطالری و ایران بیلن افغانستان چیگره پولیس‌لری ارا کوپینچه اویغورلیک ایجاد ایتیلیشی اوستی‌گه کیلیشگن.
جناب رؤوفی‌گه کوره، ایران بیلن چیگره‌داش بولگن مملکت چیگره‌سیدن بیرقسمی چیگره کوچلری اداره‌سیده ایمس دیر و قاچاقچی‌لر اوشبو بوشلیک‌دن ایش‌آلیب، بنگی‌وارماده و انسان‌لرنی ایران‌گه قاچاق قیله‌دی.
جناب رؤوفی‌نینگ ایتیشیچه، بوندن کیین ایران بیلن اویغورلیک‌ده بنگی‌وارماده قاچاقچی‌لری، انسان قاچاقچی‌لری و عصیانچی‌لرگه قرشی کوره‌شه‌دیلر.
اوشبو ییریک حربی رسمی‌نینگ، پاکستان‌نی چیگره‌یی خطالری و ایلگری کیلیشی توغری‌سیده بولگن سوزلری شونده‌ی بیرحالده بیان ایتیله‌دی کیم، نیچه هفته آلدین مملکت یشاوچی‌لریدن یوزلرچه‌سی ایریم ولایت‌لرده پاکستان‌گه قرش ناراضیلیک نمایش یولگه قویگن ایدیلر.
اعتراض‌چیلرنینگ ادعا قیلیش‌لریچه، پاکستان سونگی کونلرده، پکتیکا و کنر ولایت‌لریدن افغانستان توپراغی ایچیده 25 کیلیومتر ایلگری کیلگن.
