هلمند ولایتی معارف ادارهسینینگ مسؤوللری، بو ادارهنینگ جاری ییل اختیاریده بولگن بودجه ییترلی بولمهگن لیگینی ایتگنلر. اولر اوشبو وضعیت سبب مکتبلر ایشیگی اوقووچیلر یوزیگه یاپیلیشی مملکنلیگیدن خواطر بیلدیرگن لر. رسمیلر، اوتگن ییلگه قرهگنده بو ییل چمهسی 64میلون افغانی بودجهلری کمیگن.
هلمندولایت معارف ادارهسینینگ رییسی عبدالمتین جعفرنینگ سلاموطندارگه ایتیشیچه، اوتگن ییل جریانیده ایریم دلیللر سبب یوز مکتب ایشیگی اوقووچیلر یوزیگه یاپیلگن. جناب جعفری ولایتده اون سکیزمکتب ینگیدن قوریلگن لیگی بارهسیده اشاره قیلیب، بودجه کملیگی باعث مذکور ولایتده اورگهتیش و اورگهنیش جریانی جدی زیان کورگنلیگینی ایتگن.
افغانستان معارف وزیرلیگی اوتگن ییلی347میلیون 976مینگ افغانی هلمند ولایت معارف ادارهسی اوچون اختصاص لشتیرگن. اما اوشبو بودجه 1394- ییلده 283میلیون 998 مینگ افغانی گه کمیتیریلگن. بو رقمگه قرهگنده اصلی بودجهدن 64 میلیون افغانی کمیگنی معلوم بولهدی.
عین حالده، هلمندده مدنی جماعهچیلیک فعاللری، مرکزی حکومت بوتوغریده جدی اعتبار قرتمهگن حالده، مذکور ولایت معارف ادارهسی تورلی قیینچیلیکلر بیلن دوچار بولهدی دیگنلر. مدنی فعال آغامحمد قرشینینگ سلاموطندارگه بیلدیریشیچه، فعاللر بو قیینچیلیک نی مدنی حرکت و اعتراضلر یولگه قوییش بیلن مرکزی حکومتگه ییتکزه دیلر.
شونینگدیک مدنی فعاللردن باشقه بیری جناب عادلگه کوره، افغانستان معارف وزیرلیگی اوتگن ییللرده تعلیم وتربیه ساحهسیده قولگه کیریتیلگن یوتوقلر دایمی سقلهنیب قالیشی اوچون سعی وحرکت قیلیشی لازم. اونگه کوره، بو یوتوقلر آسانلیک بیلن قولدن بیریلمسلیگی شرط.
هلمند مملکتنینگ نابرقرار ولایتلریدن و مذکور ولایت سونگی بیر نیچه ییلده دولت نینگ ترقیات برنامهلری جملهدن اورگهتیش و اورگهنیش لایحهلریدن محروم قالگنی ایتیلهدی. ایریم اوغیل اوقووچیلر وشوکبی کوپینچه قیز اوقووچیلر محلدهگی نا توغری عرف – عادت همده اوروشلر باعث تعلیم و تحصیلدن بهرهسیز قالگنلر.
