جنوبی آسیا فوتبال فدراسیونی بیرینچی مرته 19 یاشر فوتبال تیرمه جماعه‌سی‌نینگ بیلشوو مذکور فدراسیون‌گه اعضا مملکت‌لر اورته‌سیده اوتکزیلیشی‌نی اعلان قیلدی. معلومات‌لرگه کوره، قرعه‌دن کیین مذکور بیلشوو اوچون نیپال میزبانلیک قیلیشی تنلنگن.
افغانستان، هندوستان، بنگلادش، نیپال، یونان ومالدیف تیملری مذکور اویین‌لریده قتنشه‌دی، اما سریلانکا و پاکستان 19 یاشر فوتبال تیمی نا معلوم دلیل‌لر سبب اشتراک قیلمه‌گنی ایتیله‌دی.
افغانستان فوتبال فدراسیونی تامانیدن نشر ایتیلگن خبرنامه‌ده، مذکور مسابقه‌نینگ ایکینچی گروهی‌ده هندوستان و مالدیف تیمی‌لری بیلن میدان چیقه‌دی. شونینگ‌دیک اویین‌نینگ بیرینچی گروهی‌ده نیپال، بنگلادش و یونان اویین قیله‌دی.
بو مسابقه‌نی یولگه قویگن‌لرنینگ ایتیشیچه، گروهی اویین‌لردن سونگ ایکی ایلغار تیم نهایی بیلشووگه قالیشی کوتیله‌دی.
مذکور مسابقه‌لر آگست آیی‌نینگ 20 سی‌ده باشله‌نیب 29 پایان تاپیشی ایتیله‌دی.
مملکت فوتبال فدراسیون نینگ ترقتگن جدولی اساسی‌ده، مذکور مسابقه‌لرده افغانستان نینگ بیرینچی اویینی 21 آگست‌ده توغری کیلگن و شونینگ‌دیک 23 آگست‌ده مالدیف بیلن اوینیدی.
اوشبو جدول اساسی‌ده مذکور مسابقه‌لرنینگ نهایی باسقیچی 27 و 29- آگست‌ده اوز پایانی ایریشیشی معلوم قیلینگن.
شونینگ‌دیک جنوبی آسیا فوتبال فدراسیونی‌نینگ مسؤوللری، مذکور مسابقه‌ده اشتراک قیلیش اوچون تیملر تیارگرلیک کورستگن لیک‌لرینی ایتگن.
عین حالده، افغانستان 19 یاشر فوتبال تیرمه جماعه‌سی مذکور بیلشووده اشتراک قیلگن‌دن سونگ، آسیا مملکت‌لری 19 یاشر فوتبال بیلشووده قتنه‌شیشی کوتیله‌دی.
بو اویین‌ده افغانستان فلسطین، عرب امرلیک دولتی و هندوستان بیلن چیقیش قیله‌دی. مذکور مسابقه‌لر اکتبر آیی نینگ 2 سیدن 6- سیگچه فلسطین‌ده اوتکزیلشی کوتیله‌دی.
