غزنی ولایتی جاغوری تومنی یشاوچی‌لریدن 4 ته‌سی‌نینگ جسدی، بوگون «سه‌شنبه» ایرته‌لب مذکور ولایت اسفنده دشتی‌دن تاپیلگن.غزنی والیسی اورین باسری محمدعلی احمدی‌نینگ واقعه توغری‌سیده ایتیشیچه، اوشبو تورت یوللاوچی اوتکن کون خوگیانی تومنی منطقه‌سیده، طالب‌لر تامانیدن توتقونگه آلینب و اوتکن کیچه اولدیریلگن.
جناب احمدی‌نینگ کوپه‌یتیریشیچه، مذکور تورت یوللاوچی‌دن بیری انجنیر و باشقه 3 ته‌سی عادی اوقووچی ایکن. غزنی کسل‌خانه باشلیغی بازمحمدهمت‌نینگ سلام‌وطندارگه ایتیشیچه، مذکور تورت کیشی‌نینگ جسدی بو گون ایرته‌لب ولایت کسل‌خانه‌سیگه آلیب کیلینگن.
شونینگ‌دیک، غزنی ولایت کینگشی اعضاسی حسن‌رضا یوسفی، سلام‌وطندار بیلن تلیفونی سوزله‌شیب، بو واقعه‌نی تصدیق قیلگن.
عین بیرحالده، غزنی ولایتی دولت رسمی‌لری واقعه طالب آرقه‌لی عمل‌گه آشیریلگن لیگینی ایتگن‌لر، بیراق مذکور گروه حاضرگچه بو توغریده میدیاگه هیچ نرسه دیمه‌گن.
