افغانستانلیک ماهر سیاستچی، خطاط و نقاش پروفیسور غلاممحمد میمنهگینینگ خاطرلش مراسمی تورکیه دولتی ملکی ادارهسی( تیکا) تامانیدن آلیندی.
امیرحبیبالله عصریدهگی سابق مشروطه خواه جنبش اعضاسی، کابل نفیسه نقاشلیک تیزیمی اساسچیسی، 19- 20 انچی عصردهگی ماهر سیاستچی، خطاط و نقاش پروفیسور غلاممحمد میمنهگینینگ ایسلهش احتفالیده اونلب سیاسی، فرهنگی شخصیتلر و ادب پرور ییگیتلر قتنشگن ایدیلر.
احتفالده سوزگه چیقیش قیلگنلردن، ملت وکیلی داکترعنایتالله بابرفرهمند پروفیسور میمنهگینینگ سیاسی و هنری فعالیتی بارهسیده اشاره قیلیب «میمنهگی دوریدن افغانستاندهگی محروم ایلتلر حق حقوقی طلب قیلیش قوزغلانی باشلنگنلیگی» نی اورغولهدی.
جناب فرهمندنینگ بیلدیریشیچه، پروفیسور غلاممحمد میمنهگی اوز حیاتی دوریده، هنر و سیاست قررهلریده کته تاثیر قالدیرگن، بیراق اونینگ هنری بعدیگه قرهگنده حاضرگی نسل اوچون سیاسی فعالیتلری حقیده ایش بولمهگن.
او، پروفیسور میمنهگینینگ مشروطه خواهلیک سیاسی و هنری فعالیتلری، خلق اینیقسه یاش ییگیتلر اوچون آچیقلهنیب، کیلهجکده میمنهگینینگ سیاسی فکری و مکتبیدن یخشی فایده آلینیشینی ایستهب، اونینگ حق تیلهش اوچون کورگن زجرلری برکتیدن بوگون بیز حقیمیزنی طلب قیلیب چیقهمیز دیگن.
احتفالده قتنشگنلردن باشقه بیری یازووچی، مؤرخ ومنتقد محمد کاظم امینی، پروفیسور غلاممحمد میمنهگینینگ امیر حبیبالله دوریدهگی نا قانونی ایشلرگه قرشی حرکتی، هنری چیزیغلرطفیلی صورتگه چیقیب، درباردهکیلرگه ییریک خطر بولگنلیگینی اورغولیدی.
«امیرحبیباللهنینگ خاتین بازلیکلری پروفیسورغلاممحمد میمنهگی رساملیک هنریدن یاشینیب قالمهگن».
جناب امینیگه کوره، امیرنینگ چهرهسی خنیک طرزیده حیوانلردن کوره یمانراق شهوت پرستلیگی هم پروفیسور میمنهگی صورتی هنریگه عکس ایتیریلگن.
بیرینچی بار اروپا کلاسیک نقاشلیک سیستمهسی عمومأ کوچیریلمی، بلکیم الهام آلینگن حالده پروفیسور غلاممحمد میمنهگی واسطهسی بیلن افغانستانده نفیسه سیستمهسی دیب اساس قویلگن.
امینیگه کوره، پروفیسورغلاممحمد میمنهگی بیرینچی شخص بولیب آلمانده نقاشلیک وخطاطلیک ساحهسیده پروفیسورلیک تصدیقنامه سینی قولگه کیریتهدی.
جناب فرهمند 1388- ییلده قطار تویغولی شخصیتلر یاندهشیشی و افغانستان ملی-اسلامی جنبش حزبی اساسچیسی جنرال عبدالرشید دوستمنینگ مالی یاردمی بیلن پروفیسورغلاممحمد میمنهگی وباشقه حیاتدن کوز یومگن شخصیتلرمقبرهسینی اعزازلب توزهتیشگه ییریک حصه قوشگنلردن بیری دیر.
شوییل باشلهنیشی بیلن تورکیه دولتی ملکی ادارهسی (تیکا) تشبثی بیلن افغانستانلیک تورک خلقیگه تیگیشلی شخصیتلر خاطرهسی نشانلهنیب کیلماقده.
بوندن آلدین هم مذکور اداره (تیکا) تامانیدن اوتمیشدهگی تانیقلی شخصیتلر جملهدن امیرالکلام میرنظامالدین علیشیرنوای، ظهیرالدین محمدبابر، گوهرشاد بیگم و باشقه تیل اربابلری خاطرلری نشانلهش یانیده، بو اداره ینگیدن یازووچیلر اثری کتاب شکلیده باسیب چیقیلیشیگه مالی یاردم بیریب کیلماقده.
