تجارت وزیرلیگی مسؤوللری‌نینگ بیلدیریشیچه، اوتمیش 24 ساعت مابینیده کوپلب یاقیلغی ماده اولکه‌ده کیلتیریلگن و تیزلیک‌ده بوماده بهاسی ارزان بوله‌دی.
سوداگرلیک و صنایع وزیرلیگی‌نینگ سوزلاوچیسی مسافر قوقندی نینگ سلام‌وطندارگه ایتیشیچه، حیرتان بندریدن باشقه کالالر کیلتیریلیشی دلیل، یاقلیغی ماده‌لر واگونلری توخته تیلگن ایدی و شو اوچون هم اوشبو ماده بهاسی یوقاری کیتگن ایکن.
اونگه کوره، شوحاضر یاقیلغی ماده‌لر کیلتیریش ایشی باشله‌نگن و تیزلیک‌ده اولکه بویلب مذکور ماده بهاسی ارزان بوله‌دی.
جناب قوقندی افغانستان ماده‌لری وارداتی بولگن‌لیگی دلیل، اینگ کیچیک اوزگریش هم بازار سیستمی‌گه سلبی تأثیر تشلیدی دیگن.
تجارت وزیرلیگی سوزلاوچیسی‌نینگ کوپه‌یتیریشیچه، یاقیلغی ماده‌سی عمده ساته‌دیگنلر بهانی کوترمه‌گن، بلکیم بوله‌که ساتووچی‌لر بازارده یاقیلغی ماده آزلیگی اوچون یوقاری کوترگن ایکنلر.
اونینگ بیلدیریشیچه، اوتمیش 24 ساعت‌ده یاقیلغی ماده‌لر واگونی کیلتیریش ایشی باشلنگن و بوماده‌لر بهاسی توشه‌دی.
سوداگرلیک وزیرلیگی سوزلاوچیسی‌گه کوره، دولتی یاقیلغی ییغین‌لری توله و کیره‌ک بولگنده اهالی کیله‌سی 3 آیلیک احتیاج‌لیکلرینی تأمین قیله آله‌دیلر.
بوندن آلدین کابل یشاوچیلریدن کوپلب گاز بهاسی یوقاری کیتگن‌لیگیدن شکایت قیلگن ایدیلر.
شوحاضر کابل بازاریده بیرکیلو گاز بهاسی 50 افغانی بولگن و اوتمیش بیرهفته گه قره‌گنده 20 افغانی یوقاری کیتگن‌لیگی‌نی کورسته‌دی.
کابل یشاوچی‌لری‌نینگ ایتیشلریچه، ایش بولمه گنلیگی و اقتصادلرینی ضعیف‌لیگی سبب، بوقیمت بیلن گاز ساتیب آلیشگه کوچلری ییتمه‌یدی.
اولر یاقیلغی ماده‌لر بهاسی یوقاری کیتگن‌لیگی دلیل، اولرگه سلبی تأثیر قویگن. یاقیلغی ماده‌لر بهاسی کمیشی اوچون اهالی دولت‌دن تیزلیک‌ده اقدام قیلیشینی سوره‌گنلر.
افغانستان ییریک 5 نفتی حوزه ایگه‌سی و دنیا نفتی اولکه‌لر اورته‌سیده 15- رتبه گه قول تاپیشی بیلن حاضرهم، باشقه اولکه‌لردن هرییل 3.5 میلیون لیتر تیل و 250 مینگ متر مکعب گاز کیلتیره‌دی.
