سلاموطندارنینگ قولگه کیریتکن معلوماتیگه کوره، طالبلر رهبری ملاعمر حیاتدن کوز یومسدن آلدین اوز عوضیگه نفر تعین قیلگن. آتی فاش ایتیلیشینی ایستمهگن ملی بیرلیک حکومتی رسمیلریدن بیری، ملاعمر اولیمیدن آلدین بیر وصیتنامه یازیب و اونگه طالبلرنینگ کیلهجک رهبرینی تعیین قیلگن دیگن.
سلاموطندار خبرچیسی داوودشاه مل، اوشبو منبعگه اساسلب یازیشیچه، بو وصیتنامهده ملا برادردن طالبلرنینگ ینگی رهبری و ملاعمرنینگ وارثی صفتیده آت توتیلگن و طالبلرنینگ باشقه قومندانلریدن اونینگ رهبرلیگینی قبول ایتیب و قرارلریگه حرمت قایل بولیشلری سورهلگن. منبعنینگ کوپهیتیریشیچه، انهشو سبب، ایکینچیدور تینچلیک سوزلشوولری پاکستانده ملا برادر رهبرلیگیدهگی طالبلر تامانیدن آلغه آلیب باریلهدی.
ملا عبدالغنی ناملی بیلن شهرت قازانگن ملا احمد کیمنینگ ایناغهسی؟
ملا برادر طالبلر حاکمیتیده مدافعه وزیرلیگی اورین باسری و بو حرکت نینگ ییریک حربی رهبرلریدن بیری بولگن.
طالبلر حاکمیتی آغدیریلیشی بیلن ملا برادر باشقه طالبلردیک پاکستانگه یوز کیلتیریب کراچی شهریده جایلشیب حیاتگه دوم بیرگن.
معلوماتگه کوره، میلادی 2003- ییل منطقه استخبارات ادارهسی افغانستان برابریده ینگی حربی لایحه توزهتیب و بو گروهنی قیتهدن تشکیل بیریش اوچون ایشگه کیردی.
2003- ییلدن کیین، ملا عبدالغنی برادر، ایکینچی آدم و طالبلرنینگ حربی و مالی مسؤولی صفتیده سیلنگن.
ملا احمد پوپلزی نامی بیلن تانیلگن ملا عبدالغنی برادر، باشقهلردن کوره ملا عمرگه یقین شخص بولیب و طالبلر حرکتینی ایجاد ایتکن تورت کیشیدن بیری دیر. او و ملا عمر بیر مدرسهده درس اوقیگن.
ملا برادر میلادی 2010- ییل امیریکه و پاکستان استخباراتی تامانیدن کراچی شهریده توتقونگه آلینگن چاغده، اونینگ افغانستان حکومتی بیلن یاشیرین علاقهسی بولگنی توغریسیده گزارشلر ترقهتیلدی.
سابق جمهور رییس حامدکرزی، پاکستان حکومتیدن ملا برادرنی افغانستانگه تاپشیریشینی سورهدی، بیراق میلادی 2013- ییل اونینگ پاکستان قماقخانهسیدن قوییب یوباریلگنی خبر بیریلدی.
او، پاکستان استخبارات ادارهسی نظری آستیده بولگن. ملا برادر نظر آستیده آلینیشی افغانستان حکومتی تنقیدیگه دوچ کیلدی و حکومت، پاکستاننی تینچلیک سوزلشوولریگه قرشی حرکت قیلیشگه عیبلهدی.
ملا برادر و تنیچلیک مذاکرهلر
میلادی 2010 – ییل ملا برادر توتقونگه آلینگن چاغده، ایش بیلرمانلر اونینگ توتقونگه آلینیشینی افغانستان تینچلیک لایحهسی یولیده توسیق یرهتیش دییه بیلدیرگن ایدیلر.
اوشه زمانده خلق ارا ایش بیلرمانلر، افغانستان تینچلیک لایحهسی یوتوققه ایریشیشی و برقرارلیک تأمینلنیشی خصوصیده یخشی رول اوینهشینی ایتکن ایدیلر.
سونگی وقتلرده حامد کرزی و پاکستان علاقهسی بوزیلیشیگه ملا برادرنی قوماققه آلینشی باعث بولگن.
اوشه زمانده افغانستان حکومتینینگ ایتیشیچه، «بیزلر تینچلیک مذاکرهلر توغریسیده بیران کیشی بیلن سوزلهشیب امیدگه قول تاپکن چاغیمیزده، پاکستان اونینگ حبسگه آلیب تورمهگه سالدی».
اوتکن 14 ییلده ملا برادرنینگ توغریسیده بولگن تحلیللر، تینچلیک لایحهسی بارهسیده اونینگ اهمیتی و نقشینی کوچلنتیرگن.
اوشبو حکومتی منبعنینگ سلاموطندارگه ایتیشیچه، افغانستان حکومتی ایکینچیدور تینچلیک سوزلشوولریده ملا برادر اشتراکیدن خرسند کورینهدی، ایکینچیدور تینچلیک سوزلشوولریده ملا برادر اشتراک ایتکن صورتده، تینچلیک لایحهسی یخشی نتیجه بیریشی ممکن.
دیمک ملا برادرنینگ صلاحیتدن چیتلنیشی و حاضر رهبر صفتیده سیلهنیشیگه اوزاق زمان کیرهک و طالبلرنینگ حربی بولیمی بوتونلهی اوزگرگن، بیراق ملا عمرنینگ اولیمیدن آلدین یازگن وصیتنامهسی، ملا برادر اوچون طالبلرنینگ باشقه رهبرلری ایشانچینی قولگه کیریتیشگه یخشی وسیله بوله آلهدی.
قوراللی طالبلر ملا برادرنینگ جهان بوییچه ملا عمر وارثی صفتیده قبول ایتکن حالده، افغانستان تینچلیک لایحهسی یخشی منفعتگه ایگه بولیشی ممکن.
