هلمند ولایتی محل رسمیلرنینگ ایتیشیچه، مذکور ولایتده حکومت رسمیلری و بیرقطار مسووللر قماق خانهدهگی اوغیریلرنینگ قوییب یوباریلیشیگه سعی و حرکت قیلهدیلر.
گزارشلرگه کوره، ینگیدن امنیتی کوچلر 9 کیشیدن تشکیل ایتیلگن بیر اوغیرلاوچی گروهنی توتقونگه آلگن، هلمند محل رسمیلرینینگ ایتیشیچه، کابل و هلمندده حکومت رسمیلری بو کیشیلرنینگ قوییب یوباریلیشیگه سعی و حرکت قیلهدی.
بیراق محل رسمیلری بو کیشیلردن آت توتمهیدی، لیکن ایتیشیچه، بو سعی و حرکتلر سونگی نیچه کونده کوپیگن.
هلمند ولایتی کینگش اعضالریدن بیری فرهاد داورینینگ ایتیشیچه، اوغیرلاوچیلیک جرمیگه عیب لنیب توتقونگه آلینیب جنایت چیلرنینگ قیته قوییب یوباریلگنی باعث، عایلهلر بالهلرینینگ اویدن تشقری چیقگنی قویمهیدی.
هلمند مدنی فعاللردن بیری بشیراحمد شاکری بو مطلبنی تائید قیلیب ایتیشیچه، جنایتچیلر قماقدن قوییب یوباریلگن صورتده، اولر ناراضیلیککه قول اورهدیلر.
هلمند مدنی فعاللر و ولایتی کینگش اعضالری، عدلی و قضایی ادارهلردن جنایتچیلرنینگ هیچ بیر صورتده قوییب یوبارمسلیکلرینی سورهدی.
مذکور ولایت امنیه قومندانلیگی جنایی آمری قندآغا قندهارینینگ ایتیشیچه، اولر بوندهی بیر قضیهلر توغریسیده اوز وظیفهلرینی عملگه آشیرهدی، بیراق هر بیرحالده، عدلی و قضایی ادارهلردن بوندهی قضیهلرنی جدی صورتده تیکشیریش لرینی سورهیدی.
جناب قندهارینینگ ایتیشیچه، نیچه مرته حجت بیلن توتقونگه آلینگن جنایتچیلر قیتهدن قوییب یوباریلگن.
عین حالده، هلمند والیسی سوزلاوچیسی عمر زواک سلاموطندار بیلن تلیفونی سوزلهشیب، مذکور ولایت مدنی فعاللری و ولایتی کینگش اعضالری سوزلرینی اساس سیز دیب ایتیشیچه، کیمسه اوغیریلر و باشقه جنایتچیلرنی حجت سیز و ناقانونی شکلده قوییب یوباره آلمهیدی.
جناب زواک، مدنی فعاللر و ولایتی کینگش اعضالریدن، بو توغریده حجتلری بولگن صورتده، حکومت رسمیلری بیلن شریک قیلیش لرینی سورهدی.
مذکور ولایتده سونگی کونلرده اوغیرلاوچیلر ایکی 13 یاشر بالهنی اوغیرلب اولرنینگ عایلهلریدن بیر میلیون دالر ایسته گن، بیراق امنیتی کوچلر سعی و حرکتی بیلن معاملهسیز بو بالهلر اوغیرلاوچیلرنینگ قولیدن قوتقریلگن.
