افغانستان ملی کریکت تیرمه جماعهسی،37 چاپیش فرقنی روی خطگه بیریب، اسکاتلند ملی کریکت تیرمه جماعهسیگه غلبه قازاندی.
افغانستان ملی کریکت تیرمه جماعه اویینچیلری، بو اویینده غلبه قازانیب، هندوستاننینگ 2016- خلق ارا کریکت جامی دستلبکی بیلشوولریده «ب» گروپی بیرینچی درجهسیده توختهدی.
بو اویینده افغانستان تیرمه جماعهسی، اوییننی بیرینچی آوارلریده نوروز منگل صفر امتیاز بیلن چیکیلگن چاغیده، برچه نرسه یکونلهنیب و افغانستاننی بای بیریشی کوتیلر ایدی. بیراق شهزاد محمدی 75 چاپیش، کاپیتان اصغر استانکزی 37 چاپیش، نبی عیسیخیل 33 چاپیش و نجیبالله زدران 37 چاپیش قولگه کیریتیب، اویین دوامینی افغانستان منفعتیگه اوزگرتیرگنلر.
افغانستان کریکت کمیتهسینینگ ایتیشیچه، بو اویینده شهزاد محمدی بوتون اوییندهگی 210 چاپیشدن 75 چاپیشنی قولگه کیریتیب، افغانستان ملی کریکت تیرمه جماعهسی اوچون رکورد روی خطگه بیرگن.
شونینگدیک جناب محمدی بو اویینلرده، ایکینچی مرته اینگ یخشی اویینچی صفتیده تانیلدی.
ایتیلیشیچه، افغانستان ملی کریکت تیرمه جماعهسی بوگون دوشنبه کیچ قورون ساعت 5:45 ده کنیا کریکت تیرمه جماعهسی برابریده چیقهدی.