یکشنبه کیچه سی فرانسه فوتبال ملی تیمی 5-2 نتیجه بیلن ایسلندنی سنت دنیس استادو فرانس میدانیده یوتدی.
ایلکبار اویین فرانسهلیکلر نفعیگه باشلندی و 6- دقیقهده بیرینچی خطر دیمتری پایت آلدیدن خطا کیتدی و ایسلند ایشیگینی آچه آلمهدیلر، اما 13 دقیقهده ماتئودی نینگ اولیویه ژیروگه بیرگن پاسی ایسلند ایشیکچیسی آلدیدن اوتیب گل قیلیشگه موفق بولدی و تیمینی نفعیگه بیر گل اوردی.
20- دقیقهده ایسلند ایشیگی ایکینچی مرته فرانسهلیکلر تامانیدن گل اوریلدی. فرانسهلیکلر عادل رامی و کانته حروملر یوقلیگیگه قرهمسدن اویین میدانیگه کیرگن ایدی، باشلنغیچ 20 دقیقهده ایکی گل اوروشگه موفق بولدی و اوزلرینی پیروز بولیش خیالیدن راحت قیلدیلر.
ایکی تیم اویین دوامینی آرام و اورته لیک طرزیده آلغه کیتدیلر و ایکی تیم یریم-یریم گول اوروش موقعیتیده ایدیلرکه موقعدن استفاده قیله آلمهدیلر. شونینگدیک 43 – دقیقه ده هم دیمتری پایت بیر شوتده ایسلند ایشیگینی ینه بیر بار آچدی.
45- دقیقهده هم آنتوان گریزمان بیرینچی مرحلهده ایسلند ایشیگینی تورتینچی مرته آچیلیشیگه سبب بولدی تا اویین بیرینچی مرحلهسی 4 صفر بیلن فرانسه نفعیگه یکونلهدی. ایتیش کیرهک بو گول یورو 2016- ییل نینگ یوزلمچی گولی ایدی.
ایسلند تیرمه جماعهسی 56- دقیقهده فرانسهلیکلر ایشیگینی آچیشگه موفق بولدیلر. 59- دقیقهده اولیویه ژیرو ایسلند ایشیگینی بیشینچی مرته آچیشگه کله اوروشی بیلن موفق بولدی.
84- دقیقهده هم بیورانسون کله اوروشی بیلن ایکینچی گل اوروشگه موفق بولدی.
اوچرهشوو فرانسه تیمینینگ موفق بولیشی بیلن اوز نهایهسیگه ییتدی تا حریفی آلمان تیمی بیلن نهایی مرحلهده قالسه.
