افغانستان فوتبال فدارسیون بلند مرتبهلی رسمیلری نینگ ایتیشیچه، مملکت نینگ 23 یاشر ملی فوتبال تیرمه جماعه سی برازیل المپیک اویینلرگه یول تاپیش اوچون تیارگرلیک کوره دیلر.
افغانستان فوتبال فدراسیون اداره سینینگ بیر خبرنامه ترقه تیب ایتیشیچه، فوتبال ملی تیمی نینگ اویینچیلری کابلده نیچه هفته مشق و تمرین کورگندن سونگ، یخشی راق و زمانوی مشق و تمرین قیلیش اوچون عرب امیرلیکلر دولتی نینگ دبی شهریگه کیتگنلر.
خبرنامه گه کوره، مذکور تمرین و مشقدن نیت برازیل المپیک اویینلریگه یول تاپیش اوچون تیاگرلیک کوریش دیر. خبرنامه نینگ فوتبال فدراسیون رییسی کرامالدین کریمگه اساسلب یازیشیچه، افغانستانلیک فوتبال اویینچلری مذکور بیلشوو اوچون یخشی تیاگرلیک کورگنلر.
فوتبال فدراسیون رسمیلری، افغانستان ملی فوتبال تیرمه جماعه سی نینگ اویینچیلری آلتی کون ایچکی و تشقی فوتبال متخصصلری آرقهلی تمرین کوریشلری کوتیلیشینی ایتگنلر. خبرنامه گه کوره، 23 یاشر افغانستان ملی فوتبال تیرمه جماعه سی نینگ اویینچیلری دبیده بیر هفته مشق کورگندن سونگ، 2016-ییلده المپیک اویینلریگه یول تاپیش نیتیده آلتی کونلیک تمرین و مشق قیلیش اوچون ایران نینگ شیراز شهریگه سفر قیلیشلری ریجه لنتیریلگن.
برازیل 2016- ییل اویینلریگه یول تاپیش اوچون دستلبکی اویینلر آسیا نینگ ایریم دولتلریده اوتکزیلشی کوتیله دی. مذکور بیلشووده (سی) گروهیده افغانستان ملی فوتبال تیرمه جماعه سی فلسطین، نیپال، سعودیه عربستانی و ایران بیلن میدانگه چیقهدی.
اوشبو بیلشوولرده آسیا تیملری 10 گروپ گه بولینگن. هر گروه دن ایکی ایلغار تیم قطرده آسیا تیملری بیلن رقابت قیلیشگه یول تاپهدی.
