سرمایه یاتقزیشلردن حمایت ایتیش اداره (آیسا)نینگ ینگی باشلیغی قربان حقجونینگ ایتیشیچه، بو ادارهنینگ جدی اوزگریشلرگه نیازی بار.
جناب حقجو (یکشنبه کون) اجراییه باشلیغی عبدالله عبدالله تامانیدن آیسا باشلیغی صفتیده تانیشتیریلدی.
اونینگ ایتیشیچه، ایشگه زمینه یرهتیش، یشاوچیلر دسترخوانینینگ اوزگرتیریش، قشاقلیک و ایش سیزلیکنی اورتهدن کوتریلیشی اقتصاد یوکسلیشی توغریسیده بیرینچی یول دیر.
جناب حقجوگه کوره، سرمایه یاتقزیشلردن حمایه ایتووچی اداره، حاضرگی سرمایه یاتقزوچیلر نیازیگه جواب بیرهآلمهیدی و بونی جدی صورتده اوزگرتیریلیشی لازم. اونینگ ایتیشیچه، آیسا سرمایه یاتقزوچیلر ایستهگیگه جواب بیرهآلمهیدی و بونی جدی شکلده حرکت بیریش کیرهک.
عین حالده، اجراییه باشلیغینینگ ایتیشیچه، ایشسیزلیک، قشاقلیک، بنگیوارماده و ناتینچلیکلر مملکتده سرمایه یاتقیزیش یوکسهلیشیگه توسیق بولگن. جناب عبدالله گه کوره، افغانستانده اقتصاد یوکسلیشی ینگی و جدی حرکتگه احتیاجی بار و آیسا ادارهسی بو توغریده ایشلهشی لازم.
اونینگ ایتیشیچه، آیسا اقتصاد یوکسهتیش برنامهلرینی ایجاد ایتیب و ایش زمینهسی یرهتیلیشیگه اساسی رول اوینهشی کیرهک.
جناب عبداللهنینگ کوپهیتیریشیچه، بوندن کیین آیسا ادارهسی وزیرلر کینگشی عضوی بولهدی و بو موضوع مذکور اداره و وزارت خانهلر اورتهسیده اویغورلیک ایجاد ایتهدی.
عین حالده، صنعت و سوداگرلیک وزیری همایون رسانینگ ایتیشیچه، اقتصاد یوکسهتیش مذکور وزیرلیکنینگ یوزکونلیک برنامهسینی بیر قسمی دیر و بو هدفگه ییتیشیش اوچون، آیسا ادارهسینی حمایت قیلهدی. جناب رسا، آیسا ادارهسیده تیکشیروچی بولیم ایجاد ایتیلیشینی سورهدی.
شوندهی بیرحالده، آیسا ینگی باشلیغینینگ ایتیشیچه، مذکور ادارهدهگی موجود ظرفیتلر و مالی بولیم لرنی تیکشیریشگه باشلهگن.
جناب حقجو، ملی بیرلیک حکومتینینگ رهبرلریدن، بو برنامهلرنی عملگه آشیریش اوچون آیسا ادارهسیگه یاردم بیریشلرینی سورهدی.
جناب حقجو، مالی ییغین اوتکزیش، حکومت و خلق ارا ادارهلری بیلن علاقهقوریش، سوداگرلرنینگ قیینچیلیکلریگه ییتیشیش، آیسا ادارهسیده وظیفهلرنی تیکشیریش، سرمایه یاتقزیش قانونینینگ کوریب چیقیش، سرمایه یاتقزوچیلرنی آلقیشلش و ییلده اینگ یخشی سرمایه یاتقزوچینینگ تانیشتیریشینی قولگه آلگن برنامهلریدن دیدی.
آیسا ادارهسینینگ سابق باشلیغی وفیالله افتخار، جاری ییل حمل آیی باشلریده وظیفهسیدن چیکیلدی و اوتگن تورت آیده مذکور اداره سرپرست آرقهلی باشقریلر ایدی.