حکومت اجراییه رییسی عبدالله‌عبدالله بوگون قندوز ولایتی‌گه سفر قیلدی. او، حاضرگی وضعیت اوچون اهالی ایمس حکومت قیلمیشی سببب بولگن‌لیگینی ایتگن. کورینیشیچه جناب عبدالله خوفسیزلیک‌لر و اقتصادی وضعیت یامان‌لیگی‌گه اشاره قیلگن.
قندوز اهالیسی بیلن اوچره‌شگن جناب عبدالله، ملی بیرلیک حکومتی ایجاد ایتیلگنی‌دن 9 آی اوتیشی‌گه قره‌می، هنوز هم اهالی وضعیتی‌گه ایجابی تاثیر کیلمه‌گنی‌دن افسوس بیلدیرگن.
اجراییه رییسی‌گه کوره، اهالی ملی بیرلیک حکومت نینگ قیلگن ایش‌لریدن ناراض. او، حکومت اهالی اوچون قیله‌دیگن لرگه موفق بولمه‌گن دیگن. جناب عبدالله، اهالی‌نینگ آوازی وقتی‌ده ایشتیلگن حالده، اولر حکومت‌نی حمایت قیله‌دیلر دیگن.
شونینگ‌دیک عبدالله، قندوزنینگ حاضرگی وضعیتی قانیقرلی ایمس لیگینی تیل‌گه آلگن. اونگه کوره، بوگون کی خوفسیزلیک‌لر سابق حکومت‌گه باریب تقیله‌دی.
اوچره‌شووده اجراییه رییسی نینگ قندوز خلقی‌گه ایتیشیچه، قیین‌چیلیک‌لرنی حل قیلیش وقت طلب قیله‌دی، بو معمالر حل ایتیلیشی اوچون ملی بیرلیک حکومتی‌گه فرصت بیریلیشی لازم.
و، خلق‌نینگ واقعی نماینده‌سی ایکن‌لیگینی ایتگن.
عین‌حالده، حکومت‌نینگ اجراییه رییسی، ملی کوچلر افغانستان دشمن‌لریگه قرشی کوره‌شیش‌لری اوچون کوپراق انگیزه گه ضرروت‌لری بارلیگینی ایتگن.
اوچره‌شووده قندوز اهالیسی امنیت‌دن باشقه هیچ نرسه ایسته‌مسلیک‌لرینی ایتگن‌لر. اولر حکومت‌دن امنیت تامین ایتیلیشی اوچون عملده همکارلیک قیلیش‌نی طلب قیلگن‌لر.
شونینگ‌دیک اجراییه رییسی امنیت تامین ایتیلیشی اوچون عملده حرکت بولیشی اوچون قندوز اهالیسی‌گه وعده بیرگن.
جاری ییل باشلنگ‌دن بیری قندوز ولایتی قورال‌لی طالب‌لر آرقه‌لی نیچه مرته هجوم آستیگه آلیندی.
