فاریاب ولایتی کینگش باشلیغی سید عبدالباقی هاشمی‌نینگ ایتیشیچه، مذکور ولایت نیچه تومنی سقوط قیلیش عرفه‌سیده قالگن.
جناب هاشمی‌نینگ سلام‌وطندارگه ایتیشیچه، ایکی کوندن بویان طالب‌لر ولایت برچه تومنلریگه اوز تحرکاتلرینی شدت بیلن باشله‌گن.
جناب هاشمی‌گه کوره، فاریاب ولسوالیک‌لری بوتونله‌ی طالب‌لر هجومی آستیگه قالگن، ولی مذکور هجوملر شدتلی ییرلری قیصار، المار، خواجه سبزپوش، گرزیوان و کوهستانات تومنلری بولگن.
فاریاب ولایتی کینگش باشلیغی‌نینگ ایتیشیچه، قیصار تومنی‌نینگ 3 قیشلاغی طالب‌لرهجومی نتیجه‌سیده امنیتی پوسته‌لری بیلن جنگریلر قولیگه توشگن.
او، فاریاب امنیتی وضعیتی‌دن خواطر بیلدیره‌دی و جنگری طالب‌لر هجوم رهبرلیگی سانی بیرمینگ کیشی‌گه ییته‌دیگن تشقی‌لیک جنگریلر قولیده ایکن‌لیگی ایتیلماقده.
جناب هاشمی، حکومت فاریاب تومنلریگه توجه قیلمه‌گن صورتده، مذکور تومنلر طالب‌لر قولیگه توشیشیدن هشدار بیره‌دی.
شونینگ‌دیک فاریاب امنیتی مسؤول‌لری‌نینگ ولایت برچه تومنلریده طالب‌لر هجومی بارلیگی‌نی تأیید قیلیب ایتیشیچه، فاریاب تومنلریدن هیچ بیری سقوط قیلیش عرفه‌سیده ایمس.
فاریاب پولیس سوزلاوچیسی سیدمسعود یعقوبی‌نینگ سلام‌وطندارگه ایتیشیچه، نیچه کوندن بویان طالب‌لر ولایت تومنلریده اوز تحرکاتلرینی باشله‌گن، اما امنیتی کوچلر واسطه‌سی بیلن چیک‌لنتیریلگن.
او، قیصار تومنی‌نینگ نیچه قیشلاغی سقوط قیلگن لیگی‌نی تأیید قیلیب، طالب‌لرنینگ اوتگن کیچه‌گی قیصارده اویویشتیرگن هجومی اوچون امنیتی کوچلر، محلی پولیس و خلق مذکور تومن جنوبی قیشلاقلریدن تاکتیکی کیینگه سیلجیشگن ایدیلر و یوکسک عملیات یولگه قویشلری بیلن قیته دن مذکور منطقه طالب‌لر قولیدن آلینه‌دی دیدی.
جناب یعقوبی‌نینگ ایتیشیچه، فاریاب تومنلریده توقنه شوولرنتیجه‌سیده، طالب‌لرگه آغیر تلفات ییتکیزگن‌لر.
فاریاب اولکه شمالی‌ده جایلشگن ناتینچ ولایت‌لردن سنله‌دی، مذکور ولایت نیچه تومنی‌ده طالب‌لر فعالیت قیلیب کیلماقده.
شوییل بهارموسمیده‌گی طالب‌لر هجومی نتیجه‌سیده قیصار تومنی‌نینگ نیچه قیشلاقی جنگریلر قولیده توشگن ایدی.
