فراه ولایتینینگ ایکینچیلیک اداره مسؤوللریگه کوره، ولایت گلخانهلری منطقهده بیرینچی اورینگه قالهدی. فراه ایکینچیلیک اداره سینینگ باشلیغی منان متیننینگ سلاموطندارگه ایتیشیچه، اولکه بویلب ولایتنینگ یوزلرچه گلخانهسی بارلیگی بیلن منطقهده تینگسیز بولگن.
فراه ولایت ایکینچیلیک ادارهسی اوتمیش 3 آیده میوه و کوکت محصولاتی ساتیشی بیلن 10 میلیوندن آشه دالر سود ایلتگن.
ایتیلیشیچه، ایکی ییلدن بویان گلخانه ایجاد ایتیلیش اوچون ولایتده 20 میلیوندن آرتیق سرمایه یاتقیزیلگن.
جناب متینگه کوره، فراهده ایکینچیلر محصولاتیگه آرتیش دلیلی گلخانهلر ایجاد، یوکسهتیش و فرهنگینی ترویج ایتیشی ایتیلهدی. اونینگ کوپهیتیریشیچه، قولده کیریتیلگن محصولات سودلریدن ایکینچیلر اوزلریگه ایکیش اسبابلرینی ساتیب آلهدیلر.
فراه ولایتینینگ ایکینچیلیک اداره باشلیغیگه کوره، گلخانهلر ایجاد ایتیلیشی سبب بولگن تا کونیده بادرنگ و رومی محصولاتی 800 تُن گه ایتیشسه. اونینگ ایتیشیچه، ولایتده تربوز محصولاتی 340 مینگ تُن گه ایتیشگن. مذکور حاصلات اولکه ولایتلریده ترقه تیلهدی.
جناب متینگه کوره، تیکشیروولر اساسیده هر بیر ایکینچی یریم جریب ییردن 150 مینگ افغانی عاید قولگه کیریتهدی.
فراه ایکینچیلیک اداره باشلیغیگه کوره، فراه ایکینچیلری ایکی ییلدن بویان گلخانه ایجاد قیلیشگه اورینهدیلر. او، شوحاضر 3500 ایکینچی ایرکین شکلیده گلخانهلرده ایش بیلن مصروف ایکنلیکلرینی تیلگه آلهدی.
ولایت محلی رسمیلرینینگ ایتیشیچه، شوحاضرگلخانهلر اوچون 1650 جریب ییر اجرهتیلگن.
گلخانهلر ایگهلری قولده کیریتهدیگن عایداتلریدن خرسندلیک بیلدیرهدیلر، اما اولرگه کوره، محصولاتلرینی یخشی سقلش اوچون حاضرهم مناسب محل یوقلیگیدن شکایت قیلهدیلر.
اولرگه کوره، هرکون 10 دن 12 تُن محصولات مذکور گلخانهده اسرهش امکانیتی بار، اما ییریک قیینچیلیکلردن بیری محصولاتلرینی یخشی سقلش اوچون موزخانه بولمهگنلیگی دیب بیلهدیلر.
ایکینچیلرگه کوره، بو ولایتده موزخانه ایجاد بولگن صورتده، اولر اولکه برچه ولایتیگه محصولاتلریدن یوباریشگه قادر بولهدیلر.
فراه ولایتینینگ تربوز، بادرنگ و رومی محصولاتی اولکه بویلب تیل اوستیگه دیر. محلی مسؤوللریگه کوره، فراه محصولاتی کوپینچه ولایتلر جملهدن کابل، کندهار، هرات، غزنی، ننگرهار و مزارشریفده صادر ایتیلهدی.
