سالیق وزیری اکلیل حکیمی‌نینگ ایتیشیچه، خلق ارا یاردم‌لری جذب ایتیلیشی بیلن کیله‌سی اوچ ییل‌گه قدرافغانستان بودجه‌وی قیینچی‌لیگی حل ایتیله‌دی.
جناب حکیمی‌نینگ چهارشنبه کونگی ارایه قیلگن یوزکونلیک برنامه سی‌گه اشاره قیلیب ایتیشیچه، مملکت ملی بودجه‌سی کیله‌سی 2 الی 3 ییل مابینی‌ده افغانستان‌نینگ خودکفالیگی و اصلاحاتی اوچون ییترلی بوله‌دی. اونینگ ایتیشیچه، دنیاجماعه چیلیک مذاکره‌سیده، کیله‌سی 2 الی 3 ییل‌گه قدر افغانستان خزانه سی‌گه پول یاردم بولیش ایستکی بولگن.
سالیق وزیری یوزکونلیک برنامه‌سینی آلتی بولیم‌دن عبارت، اعلام قیلدی. ییل بودجه‌سینی تیکشیریش، تخصیصی بودجه لایحه‌سی 72 ساعت‌دن 48 ساعت‌گه ساده لشتیریش، ولایتی بودجه‌لر نهایی لشتیریش و بیر ییل‌لیک بودجه اوچ الی بیش ییل‌گه اوزگرتیریش سالیق وزیری نینگ یوزکونلیک برنامه‌لریدن دییله دی.
جناب حکیمی، مذکور وزیرلیک‌ده اصلاحات کیلتیریب و فسادگه قرشی جدی کوره‌شیشی‌گه تاکیدله‌دی. اونگه کوره، اصلاحات کیلتیریش اوچ مرحله‌ده؛ قیسقه مدت، اورته‌لیک مدت و اوزون مدت‌گه اوشبو وزیرلیک تامانیدن عمل‌گه آشیریله‌دی.
او، ظرفیت‌لر کوچله‌نیشی، بانک‌لر و شرکت‌لرگه مستقیم صورتده پول انتقال بیریش اوچون ینگی سیستم ایجاد ایتیلیشی و محاسبه قانونی‌نینگ تیکشیریش و عمل‌گه آشیریش سالیق وزیرلیگی‌نینگ باشقه برنامه لریدن دیدی.
اوتکن ییل‌گه قره‌گنده، مرکز و ولایت لرده 10 فایز عاید کوپه ییشی، اداری فساد باشقریلیشی اوچون لایحه‌لر تیکشیریلیشی و کابل گمرکی‌ده الکترونیکی توله‌نیشلر باشله‌نیشی؛ مالیه وزیرلیگی برنامه‌لری‌نی باشقه بیربولیمی دییله‌دی.
سالیق وزیری‌نینگ ایتیشیچه، کیله‌جک ییل‌گه قدر 17 میلیارد افغانی عایدات بولیمی‌گه توپله‌نیشی ممکن.
شونینگ‌دیک سالیق وزیری‌گه کوره، اداری فساد یوقاتیش و مراجعین‌لر ایشینی ساده لشتیریش اوچون، مذکور وزیرلیک خاص بیر دفتر ایجاد ایته‌دی.
وزیرلرنینگ یوزکونلیک برنامه‌لری ارایه ایتیلیش لایحه‌سی انچه مدت دن بویان دوام ایتماقده. سونگی کونلرده، ایکی کون آلدین مملکت اقتصاد وزیری یوزکونلیک برنامه سینی ارائه ایتدی.
