آمریکا دالری برابریده افغانی پول بهاسی کمهیگنی و قویاش 1397- مالی ییلده رواجلنتیریش پروژهلر تطبیق ایتیلیشی خصوصیده، بیفرق یاندهشیلگنیدن خواطرلر کوپهیگنیدن سونگ، نمایندهلر کینگشی اعضالری، مرکزی بانک باشلیغی خلیلاحمد صدیق و ایکینچیلیک، چارواچیلیک و سوولنتیریش وزیری نصیراحمد درانی نینگ استجواب قیلدی.
آمریکا دالری برابریده افغانی پول بهاسی کمهیگنی توغریسیده نمایندهلرنینگ خواطرلری و سوراقلریگه جواب مرکزی بانک باشلیغی خلیلاحمد صدیق نینگ ایتیشیچه، خوفسیزلیک وضعیتی، ثباتسیزلیک، تولیدات کملیگی، سیاسی جنجللر، مملکت چیگرهلری امنیتی کوچلر تامانیدن یخشی بیر شکلده نظارت قیلینمهگنی و ایران گه قرشی آمریکا تامانیدن ایجاد ایتیلگن تحریملری افغانی پول بهاسی اوستیگه ایرکین شکلده تأثیر تشلهگن.
بیراق، جناب صدیق نینگ اورغولشیچه، مرکزی بانک وضعیتنی کنترل قیلیب و خواطرگه اورین قویمهیدی.
شونینگدیک، نمایندهلر کینگشی اعضالرینینگ خواطرلری و سوراقلریگه جواب ایکینچیلیک وزیری نصیراحمد درانینینگ ایتیشیچه، پروژهلر بولیمیده ایریم قیینچیلیکلر موجود و بو وزیرلیک قیینچیلیکلرنی حل قیلیش خصوصیده، ایشگه کیرگن.
درانینینگ کوپهیتیریشیچه، مذکور وزیرلیکنی چیکلاولری بار و زعفران قاچاقی گه بوتونلهی توسیق بوله آلمهیدی.
ایکینچیلیک وزیری نینگ ایتیشیچه، بو وزیرلیکنی باشقه قیینچیلیگی بودجه ییترلی بولمهگنی دیر و ییلده ملی بودجهدن 3% آزراغی بو وزیرلیککه اختصاص بیریلهدی.
اونینگ کوپهیتیریشیچه، قوروقچیلیک باعث، 56 مینگ تُن بوغدای نی مملکتنینگ نیچه ولایتیده بولگن نیازمندلریگه بولیب بیرگن؛ بیراق اهالی گه کوپراق بوغدای بیریلیشی لازم.
درانی گه کوره، اوشبو وزیرلیک قوروقچیلیکدن چیقهدیگن تهدیدلرنی رفع قیلیش اوچون ییگولیک ماده تیارلنیشی گه 50 میلیون افغانی تکلیف قیلگن.
ایکینچیلیک وزیری، خاص بیر کیشیدن آت توتمهیدی؛ بیراق ایتیشیچه، زعفران قاچاقچیلری و ایکینچیلیک وزیرلیگینینگ فارمی ییرلرینی غصب قیلگن کیشیلرنینگ رویخطینی نمایندهلر کینگشی گه یوبارهدی.
عین حالده، نمایندهلر کینگشی باشلیغی عبدالرؤوف ابراهیمینینگ ایتیشیچه، مملکتنینگ خوفسیزلیک وضعیتی، چیگرهلر امنیتی کوچلر تامانیدن نظارت قیلینمهگنی، پول مملکتدن تشقری قاچاق بولیشی و باشقه نیچه مسئله افغانی پول بهاسی کمهییشی گه رول اوینهیدی.
نمایندهلر کینگشی اعضالرینینگ نمایندهلیگیدن عبدالرؤوف ابراهیمینینگ ایتیشیچه، حکومت نیازلرگه جواب بیرهدیگن پولی سیستم اوچون دقیق بیر استراتیژی توزهتیشی کیرهک.
