پاکستان دولتی، افغانستان‌لیک قاچقین‌لرنینگ سوداگرلیک مرکزلری‌نی لیلام قیلیش گه قصد قیلگن.
پاکستان میدیاسی تامانیدن ترقه‌تیلگن گزارش‌لرگه کوره، پنجاب ایالتی و لاهور شهریده افغانستان قاچقین لریگه عاید مُلکلر رویخطگه آلینیب، ینگی لایحه عملگه آشیریلیشی اوچون تیارلنگن.
ایتیلیشیچه، بو جایدادلرنینگ کوپچیلیگی، گلبرگ، راوی یولی، پارک امین و لاهور نینگ باشقه منطقه‌لریده جایلشگن.
بوندن نیچه مدت آلدین پاکستان دولتی «ملی عملی برنامه» ناملی ریجه اساسیده، میلادی 2015- ییل باشلنگنی‌دن کیین افغانستان قاقچین‌لری نینک کیم لیک حجتی زمانی قیته چوزیلمس لیگینی ایتکن ایدی.
پاکستان حکومتی برچه دولتی اداره‌لردن افغانستان قاچقین‌لری نینگ ایشی و عایله اعضاسی توغریسی‌ده‌گی معلومات‌لرنی مساله اوچون تعین لنگن کمیسیون بیلن شریک قیلیشی‌نی سوره‌گن ایدی.
پاکستان عاموی اخبارات واسطه‌لری، حاضرگه قدر افغانستان قاچقین‌لری‌گه تیگیشلی 11 منطقه لایحه‌سی توزه‌لمه‌گنی دن خبر بیرگن‌لر.
عین حالده، افغانستان تشقی ایش‌لر وزیرلیگی‌نینگ ایتیشیچه، پاکستانده‌گی افغانستان قاچقین‌لری اوچون شرایط چیکله‌نیشی و اولرنینگ جایدادلر تارتیلب آلینگنی باره‌سیده‌گی خبرلر توغری بولگن حالده، بو خصوصده جدی عکسالعمل بیلدیره‌دی.
جمهور رییس‌غنی، قاچقین‌لر خلق ارا کونی مناسبتی اویوشتیریلگن ییغین‌ده سوزگه چیقیب، پاکستان‌دن، مذکور مملکت‌ده‌گی افغانستان قاچقین‌لری قیین چیلیگی‌گه حل ایتیلیشی‌نی سوره‌گن.
شونینگ‌دیک جمهور رییس پاکستان حکومتی‌دن، قاچیقین‌لرنینگ کیم‌لیک حجت‌لرینی اوزاق مدتگچه تمدید قیلیشی‌نی سوره‌گن.
بیرلشگن ملت‌لر تشکیلاتی نینگ قاچقین‌لر بوییچه کمیشنرلیگی نینگ گزارشی‌گه کوره، حاضرگی کونلرده کمیده 15 مینگ افغانستان‌لیک قاچقینچی پاکستانده حیات کیچره‌دی.
اوزاق ییللردن بیری پاکستانده استقامت قیله‌دیگن افغانستان‌لیک مهاجرلر بو مملکتن‌ینگ ایریم شهرلری جمله‌دن پنجاب ایالتی و لاهور شهرلریده ییش اویلر همده اوزلری اوچون شخصی تجارت مرکزلری تاسیس ایتیب کیلگن‌لر.
