نماینده‌لر مجلسی‌نینگ فساد اخلاقی و بنگی وارماده‌لرگه قرشی کوره‌شیش کمیسیونی نینگ هیأتی هلمند ولایتی گه قیلگن سفر نتیجهسینی ملی مجلس نینگ عمومی ییغینی‌ده تقدیم قیلگن. هلمند اوروشی یالغیز پولیس کوچلری گه تاپشیریلگن و بو اوروش نینگ اصلی عاملی مخدر ماده‌لرنی قاچاق ایتیلیشی و ایکیلیشی دیر.
اوشبو کمیسیون بوندن نیچه وقت آلدین جنرال نقیب الله ریاستی‌ده بیر هیأت‌نی هلمند گه یوباریب، مذکور ولایت ناوه ولسوال‌لیگی امنیتی وضعیتی‌نی یقین‌دن تیکشیریش‌نی سوره‌گن ایدی.
مذکور کمیسیون نینگ گزارشی‌ده کیلیشیچه، امنیتی کوچلر اورته‌سیده اویغونلیک یوق، انه شو سبب هلمنده یوز بیره دیگن توقنه‌شوولرده ملی پولیس عسکرلری قربان‌لیک بیره‌دی.
شونینگ‌دیک بو گزارش ده ایتیلیشیچه، مذکور ولایت بنگی وارماده‌سی‌گه قرشی کوره‌شیش ریاستی 80 حربی عسکردن تشکیل ایتیلگن، بیراق اولر اوز ایشی گه ایرکین بولمه‌گن.
اوشبو گزارش هلمند ولایتی بنگی وارماده‌سی‌گه قرشی کوره‌شیش ریاستی مسوول‌لریگه اساس له‌نیب یازیلیشیچه، اوشبو ریاست، مخدر ماده‌لرگه قرشی کوره‌شیش وزیرلیگی برنامه لرینی کوزگه توتمه ی و بو خصوصده اوز باشیمچه صورت‌ده حرکت قیله‌دی.
هلمند ولایتی ناوه ولسواال‌لیگی گه یوباریلگن هیأت نینگ ایتیشیچه، مذکور ولایت‌ده گی امنیتی کوچلر قاچاقچی‌لردن پاره آلیب و قولگه کیریتگن موادلرینی باشقه قاچاقچی‌لرگه ساته‌دیلر.
عین حالده، ملی مدافعه وزیرلیگی سوزلاوچی‌سی‌نینگ اورین باسری دولت وزیری نینگ ایتیشیچه، مذکور هیأت‌نی قولگه کیریتکن حجت‌لری تیکشیریلگنی‌دن سونگ مملکت مدافعه وزیرلیگی بو توغریده قرار قبول قیله‌دی.
باشقه تاماندن، هلمند ولایتی‌ده‌گی امنیتی کوچلر اورته‌سیده اویغونلیک بولمه‌گنی توغریسی‌ده حربی ایش بیلرمان لرنینگ ایتیشیچه، اوشبو کوچلر هماهنگ‌لیک اداره‌سی تمانیدن اویغونلشتیریلگن حالده عملیات‌لری گه باشله‌شی کیره‌ک.
حربی ایش بیلرمان‌لردن بیری عتیق الله امرخیل نینگ ایتیشیچه، رسمی‌لر تامانیدن تعین لنگن قانون و لایحه نظرده توتیلمه‌گنی باعث امنیتی کوچلر ایچی‌گه اویغونلیک کیلمیدی.
اوشبو گزارش ،بوندن آلدین ملی مدافعه وزیرلیگی، ایچکی ایشلر وزیرلیگی و ملی امنیت ریاستی مذکور ولایت‌ده «ذوالفقار» ناملی عملیات‌نی یولگه قویگن ایدی بیر چاغده نشر بوله‌دی.
