افغانستان شهر قوریش ایشلری بوییچه وزیری سیدسعادت منصور نادری، اوتگن اون اوچ ییل جریاینیده قوریلگن یشش بنالر لایحهسینی تنقید قیلیب، کوپچیلیک تورر بنالر بای به دولت کیشیلرگه ترقه تیلگن لیگینی ایتگن.
جناب نادری بوگون یوز کونلیک برنامهسینی اعلان قیلدی. مذکور وزیرلیککه ایشگه باشلهگندن بیری جدی شکلده اداری فسادگه قرشی کورهشیش گه باشلهگن لیگینی ایتگن او.
او، برچه اهالی تورر بناگه قول تاپیشلری اوچون، بوندن بویان ترقه تیلهدیگن ییش اویلر 25- 30 ییل ایچیده قسطی شکلده آلینهدی دیگن.
جناب نادریگه کوره، ییش بنا قوریش اوچون منتظم لایحه توزیش و پلان ده بولمهگن ساحهلرنی اصلاح قیلیش مذکور وزیرلیک نینگ یوز کونلیک برنامهسی نینگ باشیده بولگن لیگینی ایتگن.
افغانستان شهر قوریش ایشلری بوییچه وزیری، مذکور وزیرلیکنینگ یوز کونلیک برنامهسینی اوچ بولیم، شهری بیرلیک برنامه، شهری مدیریت توزیمی اصلاح ایتیلیش و وزیرلیک نینگ اجیرایی ایشلریدن عبارت بولگن لیگینی بیلدیرگن.
نادریگه کوره، بو وزیرلیک بیلن باشقه وزیرلیکلر اورتهسیده اویغونلیک بولمهگنلیگی مذکور وزیرلیکنینگ ییریک معمالردن دیر. شهر قوریش وزیرلیگی بو معما حل ایتیلیشی اوچون اساسی شکلده سعی و حرکت قیلهدی.
شونینگدیک، برنامه توزیش اوچون قابلیتلرنی آشیریش، شهری چهار چوبه ترتیبلش، ماستر پلانلر اوچون عملده ایش قیلیش، یشش اوی قوریش اوچون ییر بوتونلیگینی انیقلش وزیرلیکنینگ باشقه قیلهجک لایحهلریدن ایکن لیگینی بیلدیرگن.
نادری، یوز کونلیک برنامهسی نینگ جریانیده مذکور وزیرلیکده مخصوص کمیته ایجاد قیلیب، شهر قوریش وزیرلیگیگه تیگیشلی برچه شرطنامهلر جدی تیکشیریلیشینی بیلدیرگن.
وزیرنینگ سوزلریگه کوره، حاضرگی کونده شرطنامهلر نظر آستیده دیر، تیزیلیکده نتیجهسی اعلان قیلینهدی.
عینحالده، بوندن ایکی هفه آلدین شهر قوریش وزیرلیگی آلتی بلند مرتبهلی رسمینینگ اداری فسادگه قولی بولگنلیگی اوچون جمهور رییس فرمانی بیلن ایشدن آلینیب، باشقره لاووچلیککه تنیشتیریلگن ایدی.
مذکور شخصلردن اوچ کیشیسی بدخشان ولایتی آرقهلی تاجکستانگه قاچیب اوته دیگن بیر پیت ولایت امنیتی رسمیلری تامانیدن قولگه آلینگن ایدی.
