امریکه جمهور رییسی بارک اوباما و آلمان باش وزیری انگلا مرکل، روسیه اوکراین ایچکی ایشلریدن قول کوتارمهگونگه قدر بو مملکتگه بولگن اقتصادی تحریملریگه دوامی ایتیریشلری بارهسیده کیلیشگنلر.
بو توغریدهگی قرار (G7) یا دنیا نینگ ییتی صنعتی مملکتی رهبرلری ییغینیده آلینگن. ییغین یکشنبه کونی آلمان نینگ «گارمیش پارتن کیرشن» شهرده اوتکزیلدی.
(G7)گه اعضا مملکتلر رهبرلری نینگ ییغینی کیلگوسی شنبه کونی هم اوتکزیلیشی کوتیلهدی. اوتگن کون اوتکزیلگن ییغینده کوپراق امریکه و باشقه اروپایی مملکتلر علاقهسی مستحکم لهنیشی اوستیده تاکیدلنگن.
گزارشلرده آلمان باش وزیری ییغین نینگ جریانیده امریکه جمهور رییسی بارک اوباما بیلن اوچرهشیب برنامهلری عملی ایتیلیشی اوچون اوباما حمایتینی آلیشگه اولگورگن.
(G7) مملکتلری ییغینیدن آلدین جمهور رییس بارک اوباما انگا مرکل گه «منسک» کیلیشوو عملی بولمهگونگه قدر روسیهگه بولگن تحریملرگه دوام بیرهمیز دییه معلوم قیلگن.
آق اوینینگ سوزلاووچیسی جوش ایرنست، اوکراین مسالهسی بارهسیده قرار قبول قیلیش اوچون انگلا مرکلگه احتیاجی بارلیگینی ایتگن.
شونینگدیک مرکل دنیانینگ ییتی صنعتی مملکتینی روسیه و اوکراین بحرانی موضوعی اوچون کوندیریشگه حرکت قیلیشی ایتیلهدی.
بریتانیا باش وزیری دویوید کامرون هم اوشبو قرارنی تصدیقلهگن.
ایریم گزارشلرده، روسیه منسک کیلیشووی عملی ایتیلیشینی تن آلمه گن. مذکور ییتی صنعتی مملکت مذکور کیلشوونینگ متنی تیکشیریلیشینی سورهگنلر.
شونینگدیک مذکور ییغینده روسیهگه قوییلهدیگن تحریملر کوپچیلیک آواز بیلن تصدیقلنگی هم تخمین ایتیلهدی.
عینحالده، اوکران بحرانی اوچون روسیه موضعگرلیگی کوپچیلیک آواز بیلن تصدیق لنگنده، بو مملکتگه بولگن اقتصادی تحریملر آشیشی ممکن.
کانادا، جاپان، امریکه، آلمان، بریتانیا، فرانسه وایتالیا (G7) گه اعضالیک قیلهدی.
اوتگن ییل روسیههم مذکور تشکلاتنینگ اعضاسی صفتیده فعالیت قیلردی، اما اوکراین شرقیده بحران باشلنگنلیگی و کریمه نینگ بیر قسمی مذکور مملکتگه قوشیلیشی سبب روسیه تشکلات اعضالیگدن چیقاریلگن ایدی.
بو گروه روسیه مذکور تشکیلاتگه اعضالیک وقتیده «G8» دیب اتهلردی.
