بدخشان ولایتی‌نینگ سرپرستی شاه ولی‌الله ادیب‌نینگ سلام‌وطندار بیلن تیلیفونی سوزلشگن بیرچاغیده ایتیشیچه، قوراللی طالبلر اوتکن کیچه یمگان تومنی‌گه هجوم اویوشتیرگن و شوحاضر قوراللی طالبلر مذکور تومن‌نی بیر کیلومترلیگی‌ده ییتیب کیلگن.
جناب ادیب‌نینگ کوپه‌یتیریشیچه، یمگان‌ده هوایی یاردم ییتیشمه‌گن صورتده، بو تومن طالبلر قولیگه توشه‌دی.
بیراق، محل یشاوچی‌لری‌نینگ ایتیشیچه، یمگان تومنی مرکزی «غرمی» بوگون ایرته ساعت 8 ده طالبلر قولیگه توشگن.
شونینگ‌دیک بدخشان سرپرستی‌نینگ ایتیشیچه، بو هجوم‌گه کیشی ضرر کورمه‌گن و امنیتی کوچلر تلفات آلدینی اوچون تاکتیکی حرکت‌دن ایش آلگن.
جناب ادیب‌گه کوره، امنیتی کوچلر هوایی میدان‌گه ییتیشگن و تیزلیک‌ده امنیتی کوچلرگه یاردم بیریش اوچون هوا آرقه‌لی یمگان‌ده ییتیشه‌دی.
شونینگ‌دیک بدخشان پولیسی‌نینگ سوزلاوچیسی لعل محمد احمدزی‌نینگ ایتیشیچه، اوروش میدانی‌ده توقنه شوو دام ایتماقده و حاضرگه قدر امنیتی کوچلر و تینچ اهالی‌گه زیان ییتمه‌گن.
عین حالده، بدخشان خلقی‌نینگ پارلمان ده‌گی نماینده‌سی محمد ذکریا سودا، مذکور ولایت‌نینگ امنیتی وضعیتی توغری‌سیده کینگش بوگونگی عمومی ییغینی‌ده خواطر بیلدیریب ایتیشیچه، بوهجوم‌ده 100 دن آشه راق کیشی‌نینگ باشی طالبلر تامانیدن کیسیلگن.
جناب سودا، باشی کیسیلگن‌لر توغری‌سیده معلومات بیرمه گن.
طالب‌لرنینگ بهاری هجومی باشله‌نیشی بیلن، قوراللی طالبلر بدخشان ایریم تومنلری‌گه هجوم اویوشتیردی. نیچه پیت آلدین طالبلر مذکور ولایت وردوج تومنی‌ده گی امنیتی پوسته‌لرگه گروهی هجوم اویوشتیریب نتیجه‌ده امنیتی کوچلرگه آغیر تلفات ییتکیزدی.
شو سونگی ییل‌لرده بدخشان ولایتی‌نینگ وردوج، جرم، زیباک و یمگان تومن‌لری ناتینچ بولگن. تشقی جنگری طالبلر مذکور منطقه‌لرده نفوذینی کوپه‌یتیریب تروریست‌لرنی تربیه‌لش و جهازلش‌گه قول اورگن.
بدخشان ولایتی‌نینگ سرپرستی بوندن آلدین‌هم جرم، وردوج، راغستان و یمگان تومن‌لری جدی امنیتی تهدید آستیگه دیب، بو منطقه‌لرده طالب‌لرنینگ نفوذینی باشقریش اوچون امنیتی عملیات یولگه قوییلیشی‌نی سوره‌گن ایدی.
