معارف وزیرلیگی‌نینگ رسمی‌لری، شو حاضرهم 3 میلیون باله افغانستان بویلب ابتدایی اوقیشدن محروم قالگن لیگی‌نی بیلدیردی.
بوگون افغانستان معارف وزیری اسدالله حنیف بلخی یوزکونلیک برنامه‌سی‌نی ارایه قیلیش‌ده ایتیشیچه، اوقیشدن محروم قالگن‌لرقیزباله لردیر.
جناب بلخی‌گه کوره، ینگی مکتب ایجاد ایتیلیشی و عایله‌لر باله‌لرینی مکتب‌گه قویش توغریسی‌ده تشویق ایتیش اوچون مکتب‌لر کینگشی‌نی کوچلنتیریش و یاپیلگن مکتب‌لر ایشیگی‌نی آچیشی؛ مذکور وزیرلیک معمالری حل ایتیش یولی دیر.
جناب بلخی‌گه کوره، بیرینچی‌دن مکتب‌دن محروم قالگن باله‌لر سانینی انیقلنتیریش و بو باله‌لر یشش محله‌لری انیق لنگن‌دن کیین اولرنی مکتب‌گه اوتکزیب اورگه‌نیش نظامی‌گه بیرابر ایتیش ریجه‌لری کوزه‌تیلگن.
معارف وزیرلیگی‌نینگ بجره‌جک برنامه‌لری اساسن اوچ بولیمدن عبارت. برچه باله‌لراوچون اورگه‌نیش شرایطی یره‌تیلیشی، صفت و معارف‌نی مدیریت قیلیش‌دیر
جناب حنیف، مملکت بویلب 9 میلیون انسان نینگ کم سوادلیگی بارهسیده تشویش بیلدیریب بو مساله جدی معما بولگن لیگی‌نی ایتگن.
شونینگ‌دیک معارف وزیری‌نینگ ایتیشیچه، هنوز هم افغانستان بویلب 50 فایز مکتب‌لر اساسی بناگه ایگه ایمس یا ده ایشی تکمیل قیلینمه‌گن. بو معما حل ایتیلیشی اوچون معارف وزیرلیگی یوز کونلیک برنامه‌سیده بو قیین چیلیک حل ایتیلیشی اوچون حرکت قیله‌دی.
تخنیکی مکتب‌لرنی معیاری‌لشتیریش، مکتب‌لرده زمانوی بیلیم‌لرجاری ایتیلیشی، درس‌لیک کتاب‌لر مملکت‌ده باسیم‌دن چیقاریلیشی و اوقوچی‌لر بیلیم سویسه‌سینی آشیریش وزیرلیک نینگ100 کونلیک قیله‌جک ایشلری‌دن سنه‌له‌دی.
شونینگ‌دیک جناب بلخی، وزیرلیک‌ده اداری فسادگه جدی قرشی کوره‌شیشی بارهسیده تاکیدله‌گن.
اسدالله حنیف بلخی، ملی بیرلیک حکومتی نینگ توقیزینچی وزیری سنله‌دی.
