امیریکه تشقی ایش‌لر وزیری جان کری و ایران تشقی ایش‌لر محمدجواد ظریف هسته‌یی کیلیشووی ضرب‌الاجلی یکونلنمسی‌دن آلدین مذاکره لرنی قیته باشله‌دیلر.
آلدین، غرب دولت‌لری کوپچی‌لیک آواز بیلن ایران یورانیم‌نی کوپیتیریلمس‌لیگی توغری‌سیده بعضی بیر توسیق‌لر ایجاد ایتکن ایدی‌لر.
ایران تشقی ایش‌لر وزیری هسته‌یی کیلیشوو مهلتی یکونله‌نیشی گه اشاره قیلیب ایتیشیچه، ایران مهلت یکونلنمه‌سیدن آلدین هسته‌یی مذاکره‌لر باشله‌نیشی‌نی ایسته‌یدی.
تعیین‌لنگن مهلت گه کوره، ایران و (1+5) گروهی جنوری آیی یکونلنگونچه، هسته‌یی کیلیشوو نتیجه‌سیگه قول تاپیشی کیره‌ک.
جناب ظریف ایران نینگ دولتی تلویزیونی بیلن قیلگن صحبتی‌ده ایتیشیچه، ایران و امیریکه‌لیک بیلیم دان‌لر و انجنیرلر حضوریده ایران آرقه‌لی هسته‌یی قورال ایشلب چیقاریلیشی و یورانیم‌نی بای ایتیش توغری‌سیده هیچ قنده‌ی سوراق توغیلمه‌یدی.
اما، کیلگوسی اوچره شوولرده، ایکی تامان رسمی‌لری ایران اوچون بولگن اقتصادی تحریم‌لر توغری‌سیده بحث اوتکزیشی کوتیله‌دی.
گزارشلرگه‌کوره، ایران و امیریکه‌نینگ هسته‌یی سوزلشوولری نتیجه‌گه ایریشگن صورتده، یقین شرق مملکت‌لری‌نینگ منطقه‌ده توقنه‌شوولری یوزبیریشی خصوصیده بولگن خواطرلری اورته‌دن کوتریلیشی ممکن.
ایران‌نینگ هسته‌یی مذاکره‌سی نینگ سونگی ییغینی سویس نینگ جینوای شهریده اوتکزیله‌دی.
اون‌گه روسیه، فرانسه، بریتانیا، آلمان و چین مملکت‌لری اشتراک ایتیشی ممکن.
امیریکه رسمی‌لری نینگ ایتیشیچه، مذکور مملکت و ایران نینگ تشقی ایش‌لر وزیرلری اورته‌سیده مذاکره‌لر «دوشنبه» کونگچه دوام ایتیشی کوتیله‌دی.
اوتکن آی اپریل‌ده غرب دولت‌لر ایران بیلن هسته‌یی دستلبکی کیلیشووی گه قول تاپیب و مذکور مملکت اوچون بولگن اقتصادی تحریم‌لر برطرف ایتیلیشینی ایتکن ایدی.
میلادی 2013- ییل‌دن بویان آلمان قوشیمچه بیرلشگن ملت‌لر تشکیلاتی نینگ امنیتی کینگشی‌گه دائمی اعضا بولگن بیش مملکت، امیریکه، بریتانیا، فرانسه، روسیه و چین دن تشکیل ایتیلگن «1+5» گروهی، ایران‌نینگ اتمی برنامه‌لری اوستی‌گه مذکور مملکت بیلن مذاکره قیلیب کیلماقده‌لر.
