افغانستان ایچکی ایشلر وزیری نورالحق علومی، پاکستان‌لیک بلند مرتبه‌لی رسمیلرنینگ افغان طالب‌لری بیلن کوره‌شیشی باره‌سیده آگاهلنتریب ایتیشیچه، پاکستان بو قبیل بیرگن وعدهلریگه عملده آدیم کوتارگن حالده او مملکت‌گه ایشانه‌میز دیگن.
عین‌حالده، جناب علومی، پاکستان امیدوارلیگی‌گه اولتیرمی، مملکت‌ده خوفسیزلیک تامین ایتیلیشی اوچون سعی وحرکت قیلیش‌دن سوز بیرگن.
پاکستان عاموی اخبارات واسطه‌لری‌نینگ گزارشی‌گه کوره، بو مملکت حربی بلند مرتبه‌لی رسمیلری افغانستان‌لیک طالبلرگه اوز ترورچیلیک فعالیت‌لریگه پایان بیرمه‌گن حالده، ایکی مملکت حربی کوچلری آرقه‌لی نابود ایتیله‌دیلر.
عین‌حالده، مملکت ملی مدافعه وزیرلیگی نینگ سرپرستی پاکستان نینگ بو سوزینی خوش قرشیله‌گن. اما پاکستان نینگ بو سوزلری تیزلیک‌ده عمل‌گه آشیریلمیدی دیگن جناب وزیر.
افغانستان‌ده‌گی اوروش عملده کَمیمه‌گن تقدیرده و پاکستان بیرگن وعدهلریگه عمل قیلمسه بو سوزلرنینگ بهاسی یوق دیگن مملکت مدافعه وزیری.
علومی، پاکستان هر دایم افغانستان‌گه همکارلیک قیلیش سوزینی بیرگن، لیکن پاکستاندهگی ترورچی گروه‌لرنی مرکزی نابود ایتیلمه‌گن لیگینی هم ایس‌دن چیقارمس‌لیک کیره‌ک دیگن.
شونینگ دیک افغانستان ایچکی ایشلر وزیری، پاکستان حکومتی مملکتی‌ده گی قوراللی طالب‌لرنینگ مرکزینی نابود قیلمه‌گن لیک‌دن علاوه اولرنینگ مالیوی تامینله‌دیگن منبع‌لرینی هم توسیب قویمه‌گن.
عین‌حالده علومی، افغانستان‌ده ترورچیلیک عمل‌لر میزانی آشگن‌لیگی‌گه بیرینچی سبب پاکستاندهگی مرکزلردن قوراللی لرنی افغانستان توپراغی‌گه اوتیشی بولگن لیگینی تیل‌گه آلگن.
ایریم سیاسی کیشی‌لرهم پاکستان هنوزگچه افغانستان دولتی‌گه بیرگن وعدهلریگه عمل قیلمه‌گنیدن گپیره‌دیلر.
نماینده‌لر مجلسی نینگ اعضالریدن بیری خانم آصفه‌شاداب نینگ سوزلری‌گه کوره، نیچه وقت آلدین قوم بویوک‌لری، رهبرلر و افغانستان ملی کوچلری باشی اوچون جایزه تعین قیلگن‌لر بوگون‌گه کیلیب دوست‌لیک مساله‌سینی ایلگیری سوره‌دیلر
شونینگ‌دیک خانم شاداب، افغانستان و پاکستان جاسوسلیک اداره‌سی اورته‌سیده امضالنگن معلوماتلرنی قولگه کیریتیش شرطنامه‌سی پاکستان اویقولرینی حقیقت‌گه ایلنتیرگن دیدی.
عین‌حالده، افغانستان تشقی ایشلر وزیرلیگی‌نینگ سیاسی اورین باسری پاکستان خوفسیزلیک مصلحتچیسی بیلن بولگن اولتیریش‌ده، پاکستان خوفسیزلیک مساله‌سی بوییچه مصلحتچیسی یقین‌ده رسمی کابل و اسلام آباد علاقه‌سی بوندن هم کوره یخشی‌له‌نیشی‌دن سوز بیرگن‌لیگینی ایتگن.
پاکستان دولتی‌نینگ بلند مرتبه‌لی رسمیلری، افغانستان حکومتی‌نینگ یوقاری مرتبه‌لی ملازملری او مملکت‌دن ترورچیلیککه قرشی کوره‌ش‌ده صادقانه همکارلیک قیلیش‌نی سوره‌گن بیر چاغده بو قبیل سوزلرنی تیل‌گه آلماقده.
