نورستان یشاوچیلرینینگ ایتیشیچه، 5 آیدن بویان نوگرام، دواب و مندول تومنلرینینگ قتناو یوللری مذکور منطقهدن اوته دیگنلر اوچون ناتینچ بولیب و اوغیریلر کوندوز کون تینچ اهالی مال و داراییلرینی تلهیدی.
اولرگه کوره، دولت بو منطقه امنیتینی سقلش خصوصیده دقت قیلمهیدی.
دواب تومنینینگ یشاوچیلریدن بیری سنگیننینگ سلاموطندارگه ایتیشیچه، نیچه کون آلدین دواب تومنی تامان کیله دیگن بیرچاغده، قوراللی شخصلر آرقهلی اوشلهنیب بار و یوقینی قولدن بیرگن.
محل یشاوچیلریدن باشقه بیری ملک عمرالدیننینگ ایتیشیچه، اوغیریلر اونی یولده موتردن توشیریب، قولیدهگی پولینی آلگن.
مذکور تومنلر یشاوچیلرینینگ ادعاسیگه کوره، قتناو یوللر ناتینچ بولگنلیگی باعث نورستان اهالیسی اویلریدن چیقه آلمه یدیلر، شونینگدیک ولایت مرکزیدهگیلر قشلاقلر تامان باره آلمهیدی.
نورستان قوم بویوکلری نینگ ایتیشیچه، دولت دقت سیزلیگی گه دوام بیرسه، اوغیریلر برچه قتناو یوللرنی توسهدی.
نورستان غربیده جایلشگن نورگرام تومنیده، اوتکن ایکی هفته جریانیده اوچ مرته یوللاوچیلرنینگ مال و داراییلری قوراللی اوغیریلر تامانیدن تالانگن.
نورستان ولایتینینگ امنیه قومندانی جنرال خلیلالله ضایینینگ سلاموطندارگه ایتیشیچه، نورگرام و دواب تومنی پولیس قومندانلریگه مذکور تومنلرنینگ قتناو یوللری امنیتینی جدی شکلده تامین لنیشی خصوصیده حکم بیرگن.
نورستان ولایتی اولکه اوزاق ییرلریده جایلشگن ولایتلریدن بیری بولگن، اوتکن 13 ییل جریانیده دولت بو ولایتگه دقت قیلمهگن، یالغیز نیچه مرته چیگره او تمانیدن کیلگن عصیانچیلرنی یوقاتیش اوچون عملیات یولگه قویگن.
نورستان ولایتی یشاوچیلرینینگ مال و داراییلری کوپینچه نورستان و لغمان آره سیده بولگن قتناو یولده قوراللی کیشی پیستیرمه سیگه توشیب تلنهدیلر.
