افغانستان کانلر وزیرلیگینینگ یوقاری مرتبهلی رسمیلری، حاضرگه قدر هندوستاننینگ کنسرسیوم شرکتی حاجیگک تیمیرکانی اوستیگه سرمایه یاتقزیشدن وازکیچگنی اوچون وزیرلیککه رسمی خبر کیلمهگنلیگینی ایتگنلر.
کانلر وزیرلیگینینگ اورین باسری عبدالقدوس امیری، یکشنبه کونگی خبری اولتریشیده ایتیشیچه، حاجیگک تیمیرکانی حاضرگه قدر هندوستانلیک کنسرسیوم شرکتی بیلن کیلیشیلمهگن و حاضرگچه رسمی شکلده مذکور کنسرسیوم شرکتی سرمایه یاتقزیش لایحهسینی بیکار ایتیلگنیدن خبر بیرمهگن.
جناب امیرینینگ کوپهیتیریشیچه، حاجیگک کانینی قازیب چیقاریش شرطنامهسی اوستیده هنوزگچه کنسرسیوم بیلن کیلیشیلمهگن.
اوتکن کون ترقهتیلگن گزارشلرده حاجیگک تیمیر کانینی ایشلب چیقاریش لایحهسی بیکار قیلینگینی قید ایتیلگن ایدی. ایتیلیشیچه، مذکور لایحه هندوستانلیک شرکت آرقهلی عملگه آشیریلهدی.
هند «فایننشیل اکسپرس» کوندهلیگی مملکتی بولایحهنی توختهتیش اوچون، افغانستان بیلن پاکستان علاقهسی یخشی لنگنلیگی سبب بولگنلیگینی یازگن. بو کوندهلیکنینگ باشقه بیر منبعگه اساسلب یازیشیچه، مذکور لایحه توختهتیلیشی سونگی وقتلرده کابلده یوز بیرگن انتحاری هجوم همده رسمی کابل بیلن اسلامآبادنینگ علاقهسی یخشیلشگنلیگی باعث بولیشی ممکن دیگن.
بیراق، افغانستان بوییچه هند ایلچیسی امرسنها، تویتر صحیفهسیده حاجیگک تیمیر کانینینگ قراردادی بیکار ایتیلگنی بارهسیدهگی گزارشینی رد ایتکن.
گزارشلرگه کوره، حاجیگک تیمیرکانی توغریسیده بولگن شرطنامه ایشی باشلنمهگنی، افغانستان حکومتینینگ دقت سیزلیگی و شونینگدیک سونگی وقتلردهگی تینچسیزلیکلر هندوستانلیک کنسرسیوم شرکتی بولایحهنی توختهتیش اوچون سبب بولگن.
حاجیگک تیمیرکانی مملکتده اینگ ییریک اقتصادی پروژه حسابلنهدی، تورت ییل آلدین هندوستانلیک کنسرسیوم شرکتی کیم آشدی نتیجهسیده غلبه چیققن ایدی و بو کنسرسیوم مذکور پروژه اوستیگه 10 میلیارد دن آرتیق دالر سرمایه یاتقزیش یانیده، افغانستانده برق ایشلب چیقاریش بیر دستگاه و فولاد ایشلب چیقارووچی بیرایش خانه توزهتیشدن وعده بیرگن اېدی.
بوندن آلدین افغانستان حکومتی، بو پروژه ایشی باشلنگن صورتده، افغانستان تینچ اهالیسیدن 30 الی 35 مینگ کیشی اوچون ایش زمینهسی یرهتیلهدی دییه بیلدیرگن ایدی.
