هیچ بیر اداره چیت ایلدن کیلگن تورلرنی ساتیب آلالمیدی، اداره لرده ایچکی تورلردن ایش آلینیشی کیره‌ک.
بو سوزلر نی هرات والیسی بوگون سه‌شنبه مذکور ولایتده‌گی (ایچکی تورلر و ملی صنعت‌لر کورگزمه‌سیده) تیلگه آلگن.
شونینگ‌دیک جمهور رییس غنی، بوندن ایکی کون آلدین شو توغریده حکم صادر قیلگن ایدی.
هرات والیسی محمدآصف رحیمی، ایچکی تورلر رواجله‌نیشی خصوصیده وزیرلر کینگشی شونده‌ی قرار قبول قیلگن دیگن.
هرات والیسی ایچکی محصولاتلر اوچون اوتکزیله دیگن کورگزمه‌لرنی اولکه صنعتی یوکسه‌لیشی اوچون ییریک اهمیت گه ایگه دیب، حکومت ایچکی محصولاتلر چیت ایلدن آلیب کیلینه دیگن تورلر جایی‌نی آلیش اوچون حرکت قیله‌دی دیگن.
جناب رحیمی، ایچکی محصولاتلر رواجله‌نیش یوللریدن بیری دولتی اداره‌لر اینیقسه حربی اداره‌لریده اوشبو محصولات‌لردن ایش آلیش دییه بیلدیرگن.
جمهور رییس فرمانیگه کوره، افغانستان‌ده ایشلب چیقاریلگن نرسه لر اورنیده باشقه چیت ایلدن صادر بولگن نرسه‌لر آلینسه جرم سنه‌له‌دی.
مذکور ولایت صناعت‌چیلر جمغرمه‌سی باشلیغی حمیدالله خادم، بونده‌ی بیر کورگزمه اوتکزیلیش نیت ایچکی محصولات‌لرنی تانیشتیریش، خصوصی شرکت‌لر قابلیتی کورسه‌تیش و حکومت دقتی نی جلب ایتیش دیگن.
بو کورگزمه ده 65 صنعتی شرکت 80 غرفه ده اوز محصولاتلرینی کورستوگه قویگنلر.
جناب خادمی نینگ ایتیشیچه، اوتکن 13 ییلده ایریم محصولات‌لرنی ایشلب چیقاریش‌گه موفق بولمهگن‌لر؛ بیراق، حاضرگی کونده ایریم بولیب‌لر جمله‌دن الکل سیز ایچیملیک ایشلب چیقاریش گه قادر بولگن‌لر.
مذکور کورگزمه‌ده اشتراک ایتکن شرکت‌لر خلق‌دن ایچکی تورلردن ایش آلیش لرینی سوره‌گنلر.
شونینگ‌دیک اولر حکومت‌دن اولکه صنعتی یوکسلیشی خصوصیده دقت قیلیشینی ایسته‌دی‌لر.
اوشبو کورگزمه اوچ کون دوام ایتیشی نظرده توتیلگن.
