پاکستان‌دن کیلگن گزارشلرگه کوره، پشاورده‌گی زاخیل قاچقینلرکمپی‌ده پاکستان پولیسی‌گه قرشی ناراض‌لیک بیلدیرگن‌لر و اوشبو ناراض‌لیک توقنه شووگه سبب بولگن.
پاکستان پولیسی قاچقین‌لرنینگ اوی – جای و دکان‌لرینی بوزیب اولرنی کوچیش‌گه مجبور قیلگنلر.
افغانستان قاچقین‌لر نماینده‌سی مصری‌خان مومندنینگ سلام‌وطندار بیلن تیلیفونی سوزلشیب ایتیشیچه، بو موضوع 23- ثور زاخیل کمپی ده‌گی افغان قاچقین‌لری و پاکستان پولیسی آره سیده یوزبیرگن.
اونینگ کوپه‌یتیریشیچه، پاکستان پولیسی خبر سیز افغانستان قاچقین‌لری‌نینگ اوی – جای‌لری و دکان‌لرینی بوزیب تشله‌گنلر و اولردن کمپ‌نی بوشه‌تیش‌لرینی ایسته‌گن بیرچاغ‌ده توقنه‌شیب کیتگن‌لر.
گزارشلرگه کوره، پاکستان‌نی مذکور ایشی، فقرالری آرقه‌لی اوز باشیمچه صورت‌ده اوی – جای و دکان ایجاد ایتیلیشی ایتیله‌دی.
پاکستان اهالیسی اوزباشیمچه شکل‌ده اوی – جای توزه‌تیش‌گه اولگورگن بیرچاغ‌ده دولت قرشی‌لیگی بیلن روپه‌ره بولگن. شو سبب‌دن کیت‌مه کیت ناراض‌لیک‌لرگه قول اوریشلری عاقبتی‌ده پاکستان دولتی افغان قاچقین‌لری‌نینگ اوی – جای‌لرینی بوزیش‌گه مجبور بولگن.
پاکستان‌ده‌گی قاچقین‌لری نماینده‌سی‌نینگ ایتیشیچه، بو قضیه حل ایتیلیشی اوچون قاچقین‌لر نماینده‌سی و پاکستان پولیسی آره سیده سوزلشوولر دوام ایتماقده.
زاخیل کمپی پشاور و اسلام آباد قتناو یولیده جایلشگن و افغان قاچقین‌لریدن مینگ‌لرچه کیشی او ییرده اوی – جای توزه‌تیب حیات کیچیریب کیلماقده‌لر.
شونینگ‌دیک، چهارشنبه کونی( 23 ثور) بیرلشگن ملت‌لر تشکیلاتی‌نینگ کمشنری گوترس، کابل‌ده بیرخبری ییغین‌ده چیقیش قیلیب ایتیشیچه، افغانستان حاضرگی شرایط‌ده مهاجرلری‌نی قبول ایته آلمه‌یدی، انه شو سبب پاکستان رسمی‌لری مذکور قاچقین‌لرنی تیزلیک‌ده چیقارمس‌لیک‌که سوزبیرگن.
بوندن آلدین افغانستان قاچقین‌لر وزیری حسین عالمی بلخی‌نینگ، پاکستان‌گه قیلگن سفری‌ده، مهاجرلر بوندن کیین پاکستان‌دن چیقاریلمه‌یدی دیب اعلام قیلگن ایدی.
