اولکه مالیاتی ایشلر اداره قانونی‌نینگ لایحه‌سی سنا مجلسی‌نینگ شنبه کونگی ییغینی‌ده تصدیق‌لندی.
مذکور قانون اولکه اساسی قانونی‌نینگ 42- ماده‌سی‌گه اساسن 13 فصل و 65 ماده بیلن تصدیق بولدی.
شونینگ‌دیک اوتکن هفته مذکور قانون‌نی ریجه‌سی توغری‌سی‌ده ملی کینگش‌ده سوزیوریتیلگن، بیراق نصاب تولمه‌گنی باعث تصدیق‌لنمه گن ایدی.
مالیاتی ایشلر اداره قانونی‌نینگ ریجه‌سی مالیاتی ایشلر اداره‌سی‌نی کوزه‌تیش، مالیه قنده‌ی بیر صورت‌ده توپله‌نیشی، مالیه بیروچیلر حقوقی‌نی تیکشیریش و مالیه‌نی باشقریش مقصدی بیلن تصویب‌لنگن.
شونینگ‌دیک اوتکن ییل کوکلم موسومی‌ده مذکور قانون لایحه‌سی 13 فصل و 25 ماده بیلن افغانستان عدلیه وزیرلیگی‌نینگ سابق وزیری سید یوسف حلیم و ملی کینگش ایشلری بوییچه دولت وزیری همایون عزیزی آرقه‌لی ملی کینگش‌ده یوباریلگن ایدی، بیراق بعضی بیر دلیل‌لر سبب تصدیق‌لنمه‌دی.
ایتیلیشیچه، اوتکن ییل‌لر جریانی‌ده اولکه مالیاتی ایشلری‌گه اونچه‌لیک دقت قیلینمه‌گن و یشاوچی‌لر ایسکی مالیات تیزیمی اساسن مالیه‌لرینی تو‌لی‌کنلر.
مذکور قانون شونده‌ی بیرحالده تصدیق‌لنه‌دی کیم، نیچه هفته آلدین مالیه حددن تشقری کوتریلگنی باعث کابل شهری کسبه کارلری یوکسک ناراض‌لیک‌که قول اوریب، دوکان لرینی یاپکن ایدیلر.
