جمهور رییس غنی‌نینگ ایتیشیچه، افغانستان و ایران قولده کیلگن فرصتلردن یخشی شکلیده فایده لنیشی کیره‌ک.
بوگون ایرته‌لب جمهور رییس غنی ایران جمهور رییسی حسن روحانی‌نینگ رسمی چقیریقی اساسیده بیر بلند مرتبه‌لی دولتی هیأت باشلیغی بولیب، ایکی کونلیک سفرده تهران باردی.
جمهور رییس‌نینگ ایران‌گه قیلگن سفری بیرینچی کونیده، ایکی یاردم‌لیک کیلیشیک، مذکور اولکه‌لر تشقی ایشلر وزیری و عالی تحصیلات وزیرلری آرا قول قویلدی.
شونینگ‌دیک جمهور رییس، ایران‌لیک تینگداشی بیلن بیرگه‌لیک خبری انجمنده سوزگه چیقیش قیلیب ایتیشیچه، قولده کیلگن فرصتلردن فایده‌لنیب ایکی اولکه ارا تاپیلگن حاضرگی قیینچیلیکلرنی اساسی شکلیده حل ایتیشی کیره‌ک.
جناب غنی‌نینگ کوپه یتیریشیچه، قولده‌گی فرصتلردن یخشی فایده‌لنیش صورتده، قیله آله‌میز ایکی تامانلمه، اوچ تامانلمه و منطقه‌یی نیچه تامانلمه یاردم‌لیک‌لر بیلن تینچ‌لیک، ثبات و آسایشته‌لیگ‌گه ایریش‌سک.
جناب غنی‌نینگ کوپه یتیریشیچه، ایکی اولکه نینگ سیاسی اراده‌سی، زمان ومکان‌گه نسبتن عملگه آشگونگه قدر ایشانچ فضاسی کون سایین یخشی‌لنیشی‌گه امید بار.
او، بیر زمانی چهارچوبه بیلن، ایکی اولکه ارا بویوک مسله‌لر بولینیب و اولرنی حل ایتیش اوچون ایشله نیلیشی‌نی تیلگه آلدی.
ینه بیرتاماندن جمهور رییس، داعش‌گه قرشی اوروش‌ده منطقه اولکه‌لری نینگ یاردمی کیره‌ک لیگی‌نی اورغوله‌دی.
ایران جمهور رییسی حسن روحانی ایسه، جناب غنی بیلن امنیت و مخدر ماده‌لریگه قرشی کوره شیش توغری سیده سوزلشدی.
جناب روحانی‌گه کوره، ییل اوتیشی بیلن مخدرماده‌لری نینگ ایکیش و قاچاق قیلینیشی کوپه‌یب بارماقده. روحانی‌کوپه‌یتیریشیچه، مذکور خطرنی بیرینچی‌دن منطقه اولکه‌لری اورته‌دن ایلتگن صورتده، قاچاق و ایکیش ایشی یوقاله‌دی.
او، مخدرماده‌لری نینگ قیینچی‌لیگی حل ایتیلیشی اوچون کابل و تهران امنیتی و اطلاعاتی اویغورلیک‌گه کوپراق نیازی بارلیگی‌نی اورغوله‌دی.
بو ایکی کونلیک سفرده ایکی اولکه رهبرلری سوداگرلیک و ترانسپورتی مساله‌لر اوچون هم سوزلشه دیلر.
جمهور رییس‌نینگ اوتگن آییده ایران سفر قیلیشی کوزه‌تیلردی، اما پنجشیرده قارکوچگیسی باعث کیینگه توشگن ایدی.
