افغانستان غربی دهگی جهادی رهبرلردن محمد اسماعیل خاننینگ ایتیشیچه، ملی بیرلیک حکومتی اوزلری ارا بولگن قرمه قرشیلیکلرنی بیر تمان قوییب داعش قرشی سیده تورسینلر.
جناب اسماعیل هراتنی تصرف ایتیش 24- ییللیگی مناسبتی اساسیده سوزگه چیقیش قیلیب ایتیشیچه، افغانستانده تحمیلی اوروش کیلماقده.
جناب اسماعیل سونگی ناتینچلیکلردن انتقاد قیلیب ایتیشیچه، دولت مجاهدلردن مصلحت آلیب داعش قرشی سیده توریشی کیرهک.
مذکور جهادی باشلیغ تاکید قیلیب ایتیشیچه، دولتی اسلام( داعش) گروهی شوحاضر بدخشان و کندوز ولایتلریده اورویش بیلن مصروفلر و کیلهسی یقین پیتده غور و فراه ولایتلریدن هرات کیلیشی هم کوتیلهدی.
اسماعیل خان بو سوزلرنی شو پیتده بیان قیلدی که اوتگن کون داعش گروهی جلالآباد شهریدهگی قانلی هجوم مسؤولیتینی اوز بوینیگه آلگن ایدی.
داعش سوزلاوچیلریدن بیری شاهدالله شاهد اوز تویتریگه یازیب ایتیشیچه، اوتگن کونگی هجومنی ابومحمد ناملی شخص بجرگن ایکن.
شونینگدیک افغانستان جمهور رییسی اشرف غنی بدخشاندهگی اردو کوچلرینینگ باشی کیسلگن قضیه سینی کوریب اوتیش اوچون، مذکور ولایتده سفر قیلیب رسانهلرگه ایتیشیچه، ننگرهاردهگی قانلی هجوم طالبلر ایشی ایمس، بلکه مذکور ایش داعش تامانیدن بولگن.
ننگرهار شهریدهگی قانلی پارتلش ایرتهلب ساعت 8:30 ده بجریلیشی بیلن 150 کیشی مذکور شهر یشاوچیلریدن اولیب، یره کوتردیلر که کوپیسی تینچ اهالی ایدی.
ولایت امنیتی مسؤوللریگه کوره، تینچ اهالی آیلیکلرینی آلیش اوچون کابلبانک یقینیده صف اورگن بیرچاده حادثه یوز بیرگن.
ننگرهار پولیس باشلیغی فضلاحمد شیرزادنینگ سلاموطندارگه ایتیشیچه، پارتلش مادهلری ینگی کابلبانک ایشیگیده بیر موتر سایکلده اورنهتیب قویلگن ایکن.
بوبیرینچی مرته دیرکه افغانستانده داعش گروهینینگ خراسان شاخهسی اوشبو قانلی پارتلش مسولیتنی اوز بوینیگه آلدی.
