بلخ ولایتینینگ معارف رییسی مولوی عبدالعزیز عزیزی نینگ ایتیشیچه، حاضرگه قدر مذکور ولایت مکتبلری اوقوچیلر یوزیگه آچیب قویلگن، اما ولایت ایریم تومنلری جملهدن چهار بولک و چمتال ولسوالیکلریده امنیت بولمه گنلیگی سبب، اوقووچیلر قانیقرلی شکلیده مکتب باریشگه قیزیقمیدیلر.
اونینگ ایتیشیچه، مذکور منطقهده طالبلر فعالیتی سبب قیزلر مکتب کیتیشدن محروم قالگنلر.
بلخ اورگهتیش و بیلدیریش مسؤولی همده مذکور ولایت اوقووچیلر عایله اعضاسی امنیت یوقلیگی توغری سیده اوز خواطرلرینی بیلدیرگن.
بلخ ولایتی چمتال تومنینینگ البرز کوه منطقه سیدهگی اوقوتوچیلردن بیری ضیاءالدین اوقووچیلریگه اورگهتیش مصروفیتی بیلن دیر. او، هر دایم طالبلر تامانیدن تهدید بولهدی و حیاتی اوچون هیچ قنقه بیرتضمین یوق لیگیدن خواطر کورستهدی.
بلخ ولایتینینگ دولت آباد تومنی دهگی ابونصر فارابی مکتبی نینگ مدیری محمد نعیم قریشی ایتیشیچه، ملی بیرلیک حکومتی یوزه گه کیلیشی بیلن مذکور ولایت امنیتی کون سایین یامان بولیب بارماقده و ولایت ایریم منطقه سیده تهدیدلر سانی هم آشگن.
اونگه کوره تَنیق سیز کیشیلر تامانیدن طالب و القاعده نامیدن اوقوتوچیلر و قیز اوقووچیلر اولدیریشگه تهدید بوله دی. اما بلخ پولیس سرپرستی اوشبو ادعالرنی رد قیلهدی و حاضرگه قدر بونقه قضیهلر بیزگه ایتیب کیلمه گن دیدی.
ملی بیرلیک حکومتی نینگ عمریدن هر کون اوتیشی بیلن اولکه شمالی ولایتلر آلدین نسبتأ امنیتی وضعی یخشی بولگن ولایتلردن سنلردی، امنیتی تهدید ده قالیب بارماقده و قورالی تانیق سیز کیشیلر آلدیندن کوره کوپراق قیشلاقلرده ایرکین شکلیده کورینهدی.
شوحاضر بلخ ولایتیده 59500 اوقووچی باشلنغیچ بیلیم اورگهنیشگه مصروفلر. بولردن 42 فایزینی قیز بالهلر تشکیل بیرهدی.
