افغانستان شرقیده جایلشگن غزنی ولایتینینگ محلی رسمیلری، حربی علمات یولگه قوییلیشی بیلن طالبلرنینگ مذکور ولایت ولسوالیکلرینی هجوم آستیگه آلیش برنامهلر آلدی آلینگنلیگینی ایتگنلر. بوگون بیر خبری انجمنده سوزله شگن غرنی سرپرستی موسی خان اکبرزادهنینگ ایتیشیچه، 94-ییل باشلهنیشی بیلن جنگری طالبلر ولایتنینگ بعضی ولسواللیکلریگه حربی عملیات اوتکزیشنی نظرده توتگنلر.
ولایتده ییرلشگن ملی کوچلرینینگ بیر قوماندانیگه کوره، نصرت ناملی حربی عملیاتده 41 جنگری طالب نابود ایتیلگن و باشقه 33 طالب ایسه یرهلنتیریلگن. غزنی ولایت سرپرستی عملیاتنی یولگه قوییلیشی ییریک احتیاج بولگن لیگینی تیلگه آلگن.
او نینگ سوزلریگه قرهگنده، استخاباراتی و منتظم لایحه اساسیده عملگه آشیریلگن مذکور حربی عملیات طالبلرنینگ هجوملری آلدینی آلیشده ایجابی تاثیر قویگن. شونینگدیک اکبرزاده، نصرت ناملی حربی عملیاتده تینچ اهالیگه زیان ییتکزیلمه گنلیگینی بیلدیرگن. غزنی ولایتیده ملی اردو نینگ اوچینچی لوا قوماندانی غلام حیدر نیکپی نینگ سلام وطندارگه بیلدیریشیچه، بو علمیاتده تینچ اهالیگه آز تلفات ییتگن. او، بو توغریده دولت نینگ بلند مرتبهلی رسمیلریگه جواب بیرهدی.
شوکبی غزنیده ملی اردو نینگ مذکور قوماندانی، عملیات جریانیده قولگه کیریتیلگن ایکی مینگ کیلو گرام پارتلاووچی ماده کشف ایتیلیب، بیکار قیلینگن لیگینی ایتگن. ایتیلیشیچه، اوروشده جنگری لرنینگ 18 موتر سایکلی آتیشمه آقمیده اوتگه یانیب اورتهدن کیتگن. جنگری طالبلر هنوزگچه بو توغریده بیرار نرسه بیلدیرمه گن.
عین حالده، بوندن نیچه وقت آلدین غزنی ولایتینینگ ولایت کینگشی نمایندهلری همده قوم یاش اولوغلری اندر، دهیک ولسواللیکلرده اوتکزیلگن حربی عملیاتلرده اینگ آز 70 نفر تینچ اهالی قربان بولگنلیگینی ایتگن ایدیلر. غزنی مملکت نینگ اینگ نا برقرار ولایتلریدن سنلهدی، بو ولایت نینگ ایریم ولسواللیکلریده جنگری طالبلر سیزیلرلی درجهده کوزهتیلهدی.
