پاکستان نینگ پنجاب شهریده باسکیل هیده‌ش نینگ بیشینچی بیلیشوویده افغانستان ملی تیمی‌نینگ باسکیل هیداووچی‌لری مسابقه‌نی یوتدی.
پاکستان عاموی اخبارات واسطه‌لری‌نینگ گزارشی‌گه کوره، مذکور بیلشووده افغانستان ملی تیمی‌نینگ باسکیل هیداووچی‌سی رامین رووفی برچه پاکستان و افغانستان باسکیل هیداووچی‌لردن اوتگن.
اوشبو بیلشووده بیرینچی اورین‌نی کسب قیلیش اوچون رووفی بهاولپوردن ملتان‌گچه بولگن 115 کیلو مترلیک فاصله‌نی 2ساعت 35 و 3 ثانیگه باسیب اوتدی.
اوشبو بیلیشوولرنینگ بیرینچی دوریده رامین رووفی رحیم یارخان دن تا بهاولپورگه قدر 110 کیلومتبرلیک مصافه‌نی باسب اوتیب آلتینچی اورین‌نی کسب قیلگن ایدی.
گزارش‌لرده، مذکور بیلشوونینگ ایکینچی دوریده اوچینچی و ایکینچی اورین‌نی محمد و ذبیح افغانستان باسکیل هیداووچی‌لری قول‌گه کیرتیگن ایدی.
اوشبو بیلشوو اوتگن کون پاکستان‌نینگ لاهور شهریده باشلنگن.
شونینگ‌دیک مذکور بیلشوونینگ دستلبکی باسقیچی‌ده بیرینچی اورین‌نی افغانستان‌لیک باسکیل هیداووچی زیب الله قول‌گه کیریتگن. او، رحیم یارخان دن بهاولپورگه قدر بولگن 110 کیلو مترنی 5 و 34 دقیقه و 8 ثانیگه باسیب اوتگن. عین حالده، ایکینچی و اوچینچی اورین‌نی افغانستان ملی تیمی‌نینگ اعضالری اشرف‌غنی و حشمت الله کسب قیلگن.
اوشبو بیلشووده پاکستان و افغانستان‌دن 72 باسکیل هیداووچی قتنشگن.
بیلشوونینگ اوچینچی باسقیچی‌ده باسکیل هیداووچی‌لر ملتان شهریدن سیاهیوال شهریگه قدر 165 کیلیو مترنی باسیب اوتیش لریگه کوتیله‌دی.
