هرات ولایتی‌ده بلاغت‌گه ییتگن بیر قیز، اوق اوزیب اوزینی اولدیرگن
هرات پولیس قوماندان‌لیگی نینگ سوزلاووچی‌سی عبدالرووف احمدی‌نینگ سلام وطندارگه بیلدیریشیچه، 16 یاشر اوشبو قیز اوتگن کیچه اوییده‌گی توپانچه بیلن اوزینی آتیب اولدیرگن.
جناب احمدی‌گه کوره، حادثه هرات ولایتی‌نینگ برامان منطقه‌سیده یوز بیرگن. احمدی، بو توغریده آلیب باریلگن دست‌لبکی تیرگاووده اوشبو قیزنینگ روحی کسللیگی بارلیگی انیق لنگن‌لیگی‌نی ایتگن.
قوم‌نینگ نفوذی کیشی‌لردن بولگن مذکور قیزنینگ آته‌سی یانیده نیچه وقت‌دن بیری رویخ‌گه آلینگن توپانچه بولگن.
هرات ولایتی‌ده اوز جانی‌گه قصد قیلیب اولدیرگن‌لر سانی باره‌سیده هنوز انیق معلومات قول‌ده یوق، لیکن بو ولایت‌ده یاشلر اوزلرینی اوت‌گه یاندیریب هلاک قیلیش‌لری توغریسیده دایم گزارش‌لر ترقه تیله‌دی.
عایله‌وی زوروانلیک، قشاق‌لیک، ایش‌سیزلیک و سوادسیزلیک یاشلرنینگ اوز جانی‌گه سوء قصد قیلیش‌نینگ اساسی عاملی ایکن لیگی ایتیله‌دی.
